“Энэ жил ядуурлаас ангижруулах ажлын ялалтыг олох зангилааны жил учир засгийн газрын ажлын илтгэлд бүх төрлийн ажлыг нарийн хийж, амьдрал нь ядуу буурай хүмүүсийг ядуурлаас нь ангижруулж, ядуурлаас ангижруулах бодлогыг чанга хэрэгжүүлэн, ядуурлаас үнэнхүү ангижруулахыг батална гэж дурдсан юм” хэмээн ӨМӨЗО-ы Тунляо хотын Зарууд хошуунаас ирсэн төлөөлөгч Эрдэнэхүү ярьж байлаа.

 Төлөөлөгч Эрдэнэхүү Зарууд хошууны ядуурлаас ангижруулж байгаа ажлын байдлыг алганы хээ шигээ сайн мэддэг. Зарууд хошуунд 21545 ядуу хүн амтай. Үүнд төрийн бодлогоор үндсэн амьдралыг нь баталж байгаа өвчин эмгэгээс болж ядуурсан өрөх 42.8%-ийг эзэлж байна. Сүүлийн жилүүдэд Зарууд хошуу бодит байдалтайгаа уялдуулж, төрийн бодлогоор үндсэн амьдралыг батлах арга хэмжээг тууштай хэрэгжүүлж иржээ. Эрдэнэхүү төлөөлөгчийн үзэж байгаагаар өвчин эмгэгээс болж ядуурсан иргэдийн амьдралыг төрийн бодлогоор баталгаажуулах нь тун чухал. Зарууд хошуу бодлогоор дамжуулан өвчин эмгэгээс шалтгаалан ядуурсан иргэдийг сонгон, ядуурлаас ангижруулах нөхөн олголтын мөнгө гарган дэмжин ажиллаж байна. 2019 онд Зарууд хошуу үндсэн амьжиргааны баталгаагүй хүмүүст нийт 50 сая юанийн хөрөнгө зарцуулсан байна.