ӨМӨЗО-ы санхүүгийн байгууллага энэ онд сүүн бүтээгдэхүүний салбарт нийт 13.7 тэрбум юаний зээл олгосноор Өвөр Монголын сүүн бүтээгдэхүүний салбарын хөгжилд чухал ач холбогдол үзүүлсэн байна.

Энэ онд Өвөр Монгол орон цар тахлаас урьдчилан сэргийлэх, хяналт тавих, ажил үйлдвэрлэлээ дахин эхлүүлэх шаардлагын дагуу сүүн бүтээгдэхүүний аж үйлдвэрт нарийвчилсан үйлчилгээ үзүүлж, сүүний чиглэлийн санхүүжилтийн 56 төсөлд 21.6 тэрбум юаний хөрөнгө оруулахаар төлөвлөж байгаа бөгөөд өнөөдрийг хүртэл долоон тэрбум юаний төслийн гэрээнд гарын үсэг зураад байна.

Өвөр Монгол орон банк, даатгал, үнэт цаас, баталгаа болон бусад санхүүгийн байгууллагуудыг сүүн бүтээгдэхүүний дэд бүтцийг бий болгох, тарих, үржүүлэх, боловсруулах янз бүрийн холбогдох салбарын эргэн тойронд мал аж ахуйн бүсийн томоохон хэмжээний зээл олгох, саалийн үнээний амьд моргежийн зээл зэрэг санхүүгийн бүтээгдэхүүнийг шинэчлэхэд хамтран ажиллахыг удирдаж, сүүн бүтээгдэхүүний салбарын санхүүжилтийн хүндрэлийг шийдэхээр зүтгэсэн байна.

Өнөөг хүртэл Өвөр Монголын сүүний салбарын бүх зээлийн үлдэгдэл 21.1 тэрбум юаньд хүрч, 2019 оны эцсээс 5.6 тэрбум юаниар нэмэгдсэн байна.

Мөн өнөөдрийг хүртэл Өвөр Монголын саалийн үнээний тоо толгой нийт 1.2 сая хүрч, үнээний сүүний жилийн гаралт 5.7 сая тоннд хүрч, сүүн бүтээгдэхүүний салбар нэг жилд 100 тэрбум гаруй юаний бүтээгдэхүүн үйлдвэрлэдэг давуу талтай салбар болж хөгжжээ. Үүнээс гадна, сүү үйлдвэрлэх, боловсруулах үйлдвэрлэлийн цар хүрээ, сүүн бүтээгдэхүүний зах зээлд эзлэх хувийн жин нь сүүлийн жилүүдэд Хятадад тэргүүлсээр ирсэн байна.