Хятадын дэд дарга Хань Жэн 12-р сарын 5-ны өдөр Бээжинд Венесуэлийн дэд ерөнхийлөгч Родригезтэй уулзжээ.

Хань Жэн хэлэхдээ, Хятад, Венесуэл хоёр бие биедээ итгэдэг, нийтлэг хөгжлийн сайн түншүүд юм. Өнгөрсөн жилийн 9-р сард Дарга Ши Жиньпин, Ерөнхийлөгч Мадуро нар Хятад, Венесуэлийн харилцааг бүх цаг үеийн стратегийн түншлэлийн харилцаа болгон шат ахиулж, хоёр талын харилцааны шинэ эрин үеийг эхлүүлснийг хамтран зарласан юм. Энэ жил хоёр тал дипломат харилцаа тогтоосны 50 жилийн ойг хамтдаа тэмдэглэжээ. Хоёр улсын тэргүүнүүдийн гаргасан чухал зөвшилцлийг чин сэтгэлээсээ хэрэгжүүлэхийн тулд Хятад улс Венесуэлтэй хамтран ажиллах, бие биенийхээ гол ашиг сонирхол, гол асуудлуудад бие биенээ тууштай дэмжих, практик хамтын ажиллагааг бэхжүүлэх, хоёр талын харилцааг өргөжүүлэх, хөгжиж буй орнуудын нийтлэг ашиг сонирхлыг хамгаалахад бэлэн байна.

Венесуэл улс "нэг Хятад" зарчмыг чанд баримталж, Хятадын дэвшүүлсэн хэд хэдэн гол үзэл баримтлал, санаачлагыг дэмжиж, Хятадын удирдлагын амжилттай туршлагаас суралцах, хоёр болон олон талын хамтын ажиллагааг бэхжүүлэх, нэг талын хууль бус хориг арга хэмжээ, дарангуйллыг эсэргүүцэх, үндэсний аюулгүй байдал, хөгжил, олон улсын шударга ёсыг хамгаалахад бэлэн байна гэж Родригез хэлжээ.