“Дэлхийн хоёр гэрэлт од: Сань Шиндуй болон Жиньшагийн эртний Шу соёл иргэншил" үзэсгэлэн 01-р сарын 18-нд Хятадын Үндэсний музейд нээгдээд байна.

Сань Шиндуй болон Жиньшагийн дурсгалт газруудаас олборлосон 200 гаруй гайхамшигтай эд өлгийн зүйлсийг дэлгэн үзүүлж, хүрэл зэвсгийн үеийн эртний Шу соёл иргэншлийн гайхалтай дүр зургийг харуулж байгаа юм.

Үзэсгэлэнг "Гайхалтай нууцлаг эрдэнэс", "Хүн ба бурхад хамтдаа бүжиглэнэм", "Тэнгэр, газрын шүтлэг", "Харилцан нэгдэх ба суралцах нь" гэсэн дөрвөн хэсэгт ангилж, дэлгэн үзүүлж байна. Үзэсгэлэнд алтан эдлэл, хаш чулуу, хүрэл эдлэл, чулуун эдлэл, ваар, шүтэн бишрэгчдийн яс зэрэг янз бүрийн төрлийн эд өлгийн зүйлс багтсан бөгөөд эртний Шу ард түмний амьдрал, оюун санааны ертөнцийг тод тусгаж, эртний Шу соёл иргэншил ба Төв бүс нутаг, Хөхмөрний дунд ба доод хэсгийн нягт холбоог илрүүлж, Хятадын соёл иргэншлийн олон янз байдлын агуу байдлыг харуулсан байна.

Энэхүү үзэсгэлэн нь 2020 оноос хойш Сань Шиндуй тахилын талбайд хийгдсэн хамгийн сүүлийн үеийн археологийн малтлагын томоохон ололт амжилтуудыг харуулж байна. 2025 оны 09-р сард Сань Шиндуй форум дээр гарсан судалгааны ахиц дэвшилтэй хослуулан эртний Шу соёл иргэншлийн тогтолцооны тухай ойлголтыг сайжруулахын зэрэгцээ Хятадын соёл иргэншлийн олон янз боловч нэгдмэл хөгжлийн хэв маягийн талаарх олон нийтийн мэдлэгийг гүнзгийрүүлэх зорилготой юм. Үзэсгэлэнд мөн Брайль танилцуулга болон NFC мэдрэгч модулиуд багтсан байна. Энэ нь зочдод, тэр дундаа хөгжлийн бэрхшээлтэй хүмүүст эртний Шу соёл иргэншлийн сүр жавхлан, дотно дулааныг олон өнцгөөс мэдрэх боломж олголоо.

 Алтан баг 04-р сарын 18-нд буюу Олон улсын хөшөө эртний дурсгал, дурсгалт газруудын өдөр, Нарны шувууны алтан чимэглэлийг 06-р сарын 13-нд буюу Соёл, байгалийн өвийн өдөр олон нийтэд үзүүлэх юм байна. Үзэсгэлэн 08-р сарын 18 хүртэл үргэлжилнэ.