Хятадын импорт, экспорт анх удаа 45 их наяд юаниас давж,  9 жил дараалан өсөв.

Олон улсын орчин төвөгтэй, тогтворгүй байгаа хэдий ч Хятадын импорт, экспорт өнгөрсөн онд харьцангуй хурдацтай өссөн хэвээр байна.

Гаалийн ерөнхий газраас 01-р сарын 14-нд нийтэлсэн мэдээллээс үзвэл, Хятадын бараа бүтээгдэхүүний импорт, экспортын нийт үнэ цэнэ 2025 онд 45.47 их наяд юаньд хүрч, өмнөх оны мөн үеэс 3.8%-иар өсч, 2017 оноос нааш есөн жил дараалан өссөн байна.

Экспортийн цар хүрээ 26.99 их наяд юаньд хүрч, өмнөх оны мөн үеэс 6.1%-иар өссөн бол импорт 18.48 их наяд юаньд хүрч, өмнөх оны мөн үеэс 0.5%-иар өссөн нь түүхэн дээд амжилт юм. Ингэснээр Хятад улс 17 жил дараалан дэлхийн хоёр дахь том импортын зах зээл болжээ.

2025 он бол 14-р таван жилийн төлөвлөгөөний сүүлийн жил юм. 14-р таван жилийн төлөвлөгөөний хугацааны Хятадын гадаад худалдааны хөгжлийг эргэн харахад импорт экспортын нийт хэмжээ 200 их наяд юаниас давж, 13-р таван жилийн төлөвлөгөөний хугацаатай харьцуулахад 40%-иар өсч, жилийн дундаж өсөлт 7.1% байлаа.