Өвөр Монголын хошин шогийн үүсгэн байгуулагч, нэрт хошин шогч Д.Жамбажамсын уран бүтээлийг судлан ярилцах хурал Өвөр Монголын Баруун Үзэмчин хошуунд 7 дугаар сарын 12-нд болов.

Тус хурлыг Баруун Үзэмчин хошууны Ардын засгийн газар болон тус хошууны УТЗЗ-өөс санаачлан зохион байгуулж, Өвөр Монголын зохиолчдын эвлэл, Өвөр Монголын жүжгийн нийгэмлэг, Шилийнгол аймгийн Утга урлагийнхны холбоо зэрэг холбогдох байгууллага нэгжийн удирдлагууд, эрдэмтэн судлаачид хуралд оролцсон байна.