2025 оны Хятадын Брэндийн Форум 29-нд Хэбэй мужийн Шюн-Ань шинэ дүүрэгт зохион байгуулагдав. Форум нь “Шинэ чиглэл рүү урагшилъя: Шинэ брэнд, шинэ орчин, шинэ туршлага, шинэ өндөрлөг” сэдвийн дор болж, улс төр, бизнес, эрдэм шинжилгээ, судалгааны салбарын төлөөлөгчид брэндийн инновац болон өндөр чанартай хөгжлийн талаар санал бодлоо гүнзгий солилцлоо.

Форумд оролцогчид брэндийг бий болгох нь шинэ чанарын үйлдвэрлэлийн хүчийг хөгжүүлэх, өндөр чанартай хөгжлийг дэмжих дотоодын шаардлага гэж үзэцгээсэн байна. “15-р таван жилийн төлөвлөгөө"-ний хугацаа нь социалист орчин үеийн шинэчлэлийг үндсэндээ биелүүлэх чухал үе шат бөгөөд чанар, технологийн суурь чадавхыг бэхжүүлэх, стандартын манлайллыг хэрэгжүүлэх, брэндийн олон улсын түвшинг дээшлүүлэх замаар өндөр чанартай хөгжлийн стратегийн хөшүүргийг бий болгож, ард түмний сайн сайхан амьдралын өндөр хэрэгцээг хангах явдал юм.

Хятадын Брэндийн Форумыг Ардын өдрийн сонин санаачлан зохион байгуулсан бөгөөд 2015 оноос хойш 11 удаа дараалан зохион байгуулж байгаа юм. Энэ удаагийн арга хэмжээ нь гол форумоос гадна, “2025 оны Санхүүгийн өндөр чанартай хөгжлийн тайлан”, “Боловсролын өндөр чанартай хөгжлийг дэмжих” гэсэн хоёр салбар форум, мөн “Орчин үеийн хотжилтын засаглалын Шюн-Аний практик” сэдэвт сурвалжилгын арга хэмжээг зохион байгуулсан байна.