Дэлхийн интернетийн бага хурал 10-р сарын 17-ны өдөр хэвлэлийн бага хурал хийлээ. Хэвлэлийн бага хурлаас сэтгүүлчийн мэдээлснээр, 2025 оны дэлхийн интернетийн бага хурлын Ужэний дээд хэмжээний уулзалт 11-р сарын 06-наас 09-ний хооронд Хятадын Жэжян мужийн Ужэнь хотод болно. Энэхүү дээд хэмжээний уулзалтын үеэр 24 дэд форум зохион байгуулагдах юм. 2025 онд цахим ертөнцийн хувь заяаны хамтын цогцыг бий болгох үзэл баримтлалыг дурдсаны 10 жилийн ой тохиож байна. "Нээлттэй, хамтын ажиллагаатай, аюулгүй, хүртээмжтэй дижитал ирээдүйг хамтдаа бий болгох - Цахим ертөнцийн хувь заяаны хамтын цогцыг хамтдаа байгуулах" нь энэхүү Ужэний дээд хэмжээний уулзалтын сэдэв юм. Дээд хэмжээний уулзалтын үеэр цахим ертөнцийн хувь заяаны хамтын цогцыг бий болгох үзэл баримтлалыг дурдсаны 10 жилийн ойд зориулсан онолын семинар болж, дээрх үзэл баримтлалыг дэвшүүлснээс хойшхи онолын ололт амжилт болон практик туршлагыг нэгтгэн дүгнэж, түүнийг хэрэгжүүлэхэд илүү өргөн хамтын ажиллагааг бий болгохын тулд бүх талуудтай хүчээ нэгтгэнэ.

Дээд хэмжээний уулзалтын нээлтийн үеэр Дэлхийн интернетийн бага хурлын шилдэг хувь нэмрийн шагналыг үргэлжлүүлэн гардуулж, дэлхийн өнцөг булан бүрээс 200 шахам компани энэхүү шагналыг авахаар хүсэлт гаргасан байна. Хүсэн хүлээгдэж буй Дэлхийн Залуу Аваргуудын хөтөлбөр дахин нэг удаа бүх талуудаас урам зоригтой хариулт авч, дэлхийн 120 орчим улс орон болон бүс нутгаас ирсэн мянга мянган шилдэг залуучуудыг өөртөө татаж, шалгарсан аваргууд “Залуучууд ба дижитал ирээдүй” форумд залуучуудын дуу хоолойг хүргэх болно.