ХКН-ын Төв хорооны Улс төрийн товчооны гишүүн бөгөөд ГХЯ-ны сайд Ван И 11-р сарын 3-ны өдөр Германы талын урилгаар Германы ГХЯ-ны сайд Иоханн Вадефул-тэй утсаар ярьжээ.

Ван И хэлэхдээ, Хятад, Германы харилцааны хөгжлийн гол туршлага бол харилцан хүндэтгэн, харилцан ашигтай хамтын ажиллагаа өрнүүлж, зөв ​байр сууриар зөв түншлэл тогтоох явдал юм. Хятад Герман хоёр том гүрнүүд бөгөөд чухал эдийн засгийн цогцын хувьд хоёр орны харилцааг эрүүл тогтвортой хөгжүүлэх нь хоёр талын ашиг сонирхол, талуудын хүлээлтэд нийцэж, дэлхийн энх тайван тогтвортой хөгжилд ашигтай юм. Нэг Хятадын зарчим нь Хятад Германы харилцааны хамгийн чухал улс төрийн үндэс суурь юм. Хятад улс Германы нэгдлийг болзолгүйгээр дэмжиж байсан бөгөөд хуваагдлын зовлонг амссан Герман улс Хятадын үндэсний бүрэн эрхт байдал, нутаг дэвсгэрийн бүрэн бүтэн байдлаа хамгаалах, Тайванийн тусгаар тогтнуулах бүх үйлдлийг эсэргүүцэж буйг бүрэн ойлгож, дэмжлэг үзүүлнэ гэдэгт найдаж байна. Иймд хоёр тал илүү тогтвортой, илүү үргэлжлэн хөгжсөн улс төрийн тогтолцоог байгуулж, хоёр талын харилцааг үргэлж зөв замаар хөгжүүлэх шаардлагатай юм гэжээ.

Иоханн Вадефул хэлэхдээ, Германы тал Хятад хоорондын харилцааг ихээхэн чухалчлан үзсээр ирсэн бөгөөд нэг Хятадын зарчмыг тууштай баримталсаар ирсэн юм. Энэ оны 7-р сард таны  Германд дипломат харилцаа болон аюулгүй байдлын стратегийн яриа хэлэлцээнд оролцсон айлчлал маш амжилттай боллоо. Бид сайн, бүтээлч, үр бүтээлтэй яриа хэлэлцээ хийлээ. Би Хятадад эртхэн айлчилж, хоёр талын харилцаа зэрэг чухал асуудлаар гүнзгий хэлэлцээ хийхийг хүсэн хүлээж байна. Герман улсын нэг Хятадын бодлого өөрчлөгдөөгүй хэвээр байгаа бөгөөд Хятадын талтай хамтдаа олон салбар дахь солилцоо, яриа хэлэлцээгээ ахиулж, адил бус саналаа хянаж, Герман, Хятадын бүх талын стратегийн түншлэлийн харилцааг урагш ахиулахад бэлэн байна гэжээ.