ШХАБ-ын гишүүн орнуудын Батлан ​​хамгаалахын сайд нарын бага хурал өнөөдөр буюу 06-р сарын 25-нд  Чиндао хотноо болж, Хятадын Батлан ​​хамгаалахын сайд Дүн Жүнь хурлыг даргалж үг хэллээ. Уулзалтад ШХАБ-ын гишүүн орнуудын батлан ​​хамгаалах яамны удирдлага нар болон ШХАБ-ын Нарийн бичгийн дарга нарын хэлтэс, бүс нутгийн терроризмтой тэмцэх газрын Гүйцэтгэх хорооны дарга нар оролцов.

Энэ удаагийн Батлан ​​хамгаалахын сайд нарын бага хурал нь энэ жил Хятад улс ШХАБ-ын даргалагч орны хувиар зохион байгуулж буй чухал арга хэмжээний нэг юм. Энэ нь ШХАБ-ын гишүүн орнуудын цэргийн харилцан итгэлцэл болон бодит хамтын ажиллагааг улам бэхжүүлэн гүнзгийрүүлж, ШХАБ-ын "Нийтийн таван гэр орон"-ыг хамтран байгуулах чухал санаачилгын хэрэгжилтийг дэмжиж, дэлхийн болон бүс нутгийн энх тайван, тогтвортой байдлыг сахин хамгаалах, хөгжил цэцэглэлтийг дэмжихэд хувь нэмрээ оруулах болно.