Арвангурав дахь удаагийн "Нүүрстөрөгч багатай үндэсний өдөр" 06-р сарын 25-ны өдөр тохиож байгаа юм. Экологи, байгаль орчны яамнаас мөн өдөр нийтэлсэн "Хятадын уур амьсгалын өөрчлөлтөд дасан зохицох ажлын явцын тайлан (2024)"-д өнгөрсөн онд Хятад улс цаг уурын өөрчлөлтөд дасан зохицох үндсэн ажлаа ахиулж, бодит үр дүнд хүрснийг харууллаа.

Мөн өдөр Экологи, байгаль орчны яам, Жэжян мужийн Ардын засгийн газар хамтран 2025 оны "Нүүрстөрөгчийн хийг бууруулах үндэсний өдөр"-ийн гол арга хэмжээг Жэжяны Ханжөү хотод зохион байгуулав. Энэхүү арга хэмжээ нь "Нүүрстөрөгчийн замын анхдагч, ногоон ирээдүй" уриан дор явагдсан байна. Тус арга хэмжээний үеэр Экологи, байгаль орчны яамнаас гаргасан тайлангаас харвал: 2024 он бол дэлхийн цаг уурын түүхэн дэх хамгийн халуун жил юм. Дэлхийн дулаарал болон Эль Ниногийн үйл явдлын нийлбэр нөлөөгөөр Хятад улсын цаг уурын ерөнхий нөхцөл байдал буурч, олон газар түүхэн дээд амжилт тогтоож, гамшигт цаг агаарын эрс тэс үзэгдэлтэй тулгарсан байна. Уур амьсгалын өөрчлөлтөд дасан зохицох чадвараа цогцоор нь сайжруулах зайлшгүй шаардлагатай.

Хятад улс 2024 онд "Уур амьсгалын өөрчлөлтөд дасан зохицох үндэсний стратеги 2035"-ыг үргэлжлүүлэн хэрэгжүүлж, бодит үр дүнд хүрэхийн тулд уур амьсгалын өөрчлөлтөд дасан зохицох үндсэн ажлуудыг үргэлжлүүлнэ гэж тайланд онцоллоо.