Хятадын Аж Ахуйн VIII форум 11-р сарын 3-наас 4-ний хооронд Бээжинд болж байна. Уг форум "Стратегийн шийдэмгий байдал ба Инновацийг сайжруулах" уриан дор хэлэлцүүлэг өрнүүлж, хөгжлийн стратегийн талаар хэлэлцэж, гэрэл гэгээтэй ирээдүйг төсөөлөв.
3-ны өдрийн гол форум дээр Хятадын аж үйлдвэр, худалдааны холбооны дарга Гао Юньлун хэлэхдээ, социалист орчин үеийн үйл явцыг алхам алхмаар,хэрэгжүүлэх ньтүүхэн дэвшилтэт үйл явц, бизнес эрхлэгчид цаг үеийн чиг хандлагыг ойлгож, стратегийн шийдвэр гаргаж, инновацийн манлайлал үзүүлж, гол давуу талыг бий болгож, хамтын ажиллагааг гүнзгийрүүлж, хөгжлийн нөөцийг нэгтгэж, Хятад маягийн орчин үеийн шинэ хөгжилд шинэ хувь нэмэр оруулна гэж найдаж байна гэв.
Хятадын Төрийн Зөвлөлийн Төрийн өмчит хөрөнгийн хяналт удирдлагын комиссын захирал Жан Юйжуо хэлэхдээ, хүчирхэг аж ахуйн нэгжүүд хүчирхэг үндэстнийг бий болгодог бол чинээлэг үндэстэн чинээлэг аж ахуйн нэгжүүдийг бий болгодог гэжээ. Тэрээр, төвийн аж ахуйн нэгжүүд болон бусад төрлийн аж ахуйн нэгжүүдийн хоорондын хамтын ажиллагааг дэмжиж, аж үйлдвэрийн шинэчлэл, технологийн бие даасан байдал, гүнзгий шинэчлэл, харилцан ашигтай хамтын ажиллагааг урагшлуулж, социалист орчин үеийн үйл явцыг үндсэндээ хэрэгжүүлэхэд шийдвэрлэх ахиц дэвшлийг хангахад илүү их хувь нэмэр оруулахад бэлэн байгаагаа илэрхийлэв.
Синьхуа агентлагийн орлох дарга Лю Жянь хэлэхдээ, нам төрийн мэдээ мэдээлэл, олон нийтийн хэвлэл мэдээллийн гол хүчин болох Синьхуа агентлаг нь Хятадын эдийн засгийн үйл ажиллагаа, аж ахуйн нэгжийн хөгжилд удаан хугацаанд анхаарлаа хандуулж, эдийн засгийн хөгжлийн талаар зөвлөгөө, санал өгч, аж ахуйн нэгжүүдийг дэмжиж ирсэн гэжээ. Цаашид Синьхуа агентлаг бүх салбартай хамтын ажиллагаагаа бэхжүүлж, давуу талаа үргэлжлүүлэн ашиглаж, аж ахуйн нэгжийн инноваци, шинэчлэлийг эрчимжүүлэх, түүнчлэн чанартай эдийн засгийн хөгжлийг дэмжихэд бэлэн байна гэв.
Хятадын аж ахуйн нэгжийн форум нь 2017 онд байгуулагдсан. Энэ жилийн форумыг Төрийн зөвлөлийн Төрийн өмчит хөрөнгийн хяналт, удирдлагын комисс, Хятадын аж үйлдвэр, худалдааны холбоо, Синьхуа агентлаг хамтран санаачилсан. Форумын үеэр "2025 оны Хятадын аж ахуйн нэгжийн брэндийн үнэ цэнийн шилдэг 100 жагсаалт" болон бусад ололт амжилтуудыг зарлаж, Хятадын болон гадаадын бизнес эрхлэгчдийн яриа солилцоо зэрэг цуврал арга хэмжээ зохиогдсон юм.
