Хятад-АСЕАН-ы 22 дахь удаагийн экспогийн гэрээнд гарын үсэг зурах ёслол 09-р сарын 18-нд Гуаншигийн Жуан үндэстний өөртөө засах орны Наньнин хотод болов. Газар дээр нь аж үйлдвэрийн 94 төсөл, "AI+" чадварлаг үйлдвэрлэлийн 44 төсөл, олон улсын худалдаа, эдийн засгийн 17 төслийг багтаасан нийт 155 төсөлд гарын үсэг зурсан байна.

Энэ удаа гарын үсэг зурсан олон улсын худалдаа, эдийн засгийн хамтын ажиллагааны төслүүдэд Вьетнам, Малайз, Мьянмар, Лаос, Камбож, Индонез зэрэг АСЕАН-ы зургаан орон оролцож байна. Үүнд, Хятад-АСЕАН-ы хиймэл оюун ухааны инновацын хамтын ажиллагааны Лаос дахь төвийн барилга, ашиглалтын төсөл, гарын үсэг зурсан гадаадын хөрөнгө оруулалтын төслүүд болон хөдөө аж ахуйн онцлог бүтээгдэхүүний ухаалаг үйлдвэрлэл, био түлш, цаасны бүтээгдэхүүн боловсруулах зэрэг салбаруудыг хамарчээ. 

Энэ удаагийн гэрээнд нэг тэрбум гаруй юаниас дээших 45 төсөлд гарын үсэг зурсан бол шинэ эрчим хүч, өндөр зэрэглэлийн тоног төхөөрөмж, металл боловсруулах, чухал металл, био анагаах ухаан, арилжааны сансрын нислэг, нам уулын эдийн засаг, хөнгөн аж үйлдвэр, нэхмэл эдлэл зэрэг салбарыг хамарсан 10 тэрбум юаниас дээш хоёр төсөл, 5 тэрбум юаниас 10 тэрбум юаний 3 төсөлд гарын үсэг зурлаа.