III удаагийн Дундад улсын нүүдэл соёлын зугаацлын наадам болон Дархан Муумянган холбоот хошууны XXVI удаагийн их наадам 7 дугаар сарын 11-нд Бугат хотын Дархан Муумянган холбоот хошууны төв Батхаалга сууринд нээлтээ хийв.
Нээлтийн ёслол 7 дугаар сарын 11-ний үдэш 20 цагт болсон “Хасарын сүлд тахилгат нутаг дахь чуулган” урлагийн тоглолтод Өвөр Монголын нэрт дуучин Хүслэн, Уянга нар хүрэлцэн ирснээр барахгүй Монгол Улсын Хурд хамтлаг, KIWI хамтлаг уригдан ирж ая дуугаа өргөв. Дархан Муумянганы халуун сэтгэлт ардын сонорыг нь мялааж, урмыг нь хөгжөөлөө. Уг үдэшлэгийг Хөххотын “Нармай” компани зохион байгуулжээ.
Монгол үндэстний нүүдэл соёлыг харуулсан нээлтийн ёслолын уран гоц үзүүлбэрүүд, уригдан ирсэн оддын хөтөлбөрүүд нь хурсан олны сэтгэлд хүрлээ.
