Хятадын Гадаад харилцааны яамны хэвлэлийн төлөөлөгч 06-р сарын 27-нд мэдэгдэл хийж, Хятадын Коммунист Намын Төв хорооны Улс төрийн товчооны гишүүн, Гадаад харилцааны сайд Ван И Европын Холбооны Гадаад харилцаа, аюулгүй байдлын бодлогын асуудал эрхэлсэн дэд төлөөлөгч Каяа Каллас, Германы Гадаад хэргийн сайд Анналена Баербок, Францын Гадаад хэргийн сайд Жан-Ноэль Баррогийн урилгаар 06-р сарын 30-наас 07-р сарын 06-ны өдрүүдэд Европын Холбоо, Герман, Францад айлчлал хийнэ гэж мэдэгдлээ.

Ван И Европын Холбооны төв байранд зочилж, Хятад-Европын өндөр түвшний стратегийн 13 дахь удаагийн яриа хэлэлцээнд оролцож, мөн Германд айлчилж, Хятад-Германы гадаад хэрэг, аюулгүй байдлын стратегийн 8 дахь удаагийн яриа хэлэлцээ хийхээс гадна, Францад зочлон Хятад-Францын Гадаад хэргийн сайд нарын уулзалтыг хийж, Хятад-Францын өндөр түвшний хүмүүнлэгийн солилцооны механизмын хуралдаанд оролцоно. Түүнчлэн Брюссельд байх хугацаандаа Ван И Бельгийн Хаант Улсын Ерөнхий сайд Барт дө Вэвер, Бельгийн Вант Улсын Ерөнхий сайдын орлогч, Гадаад хэргийн сайд Максим Превоттэй тус тус уулзаж, яриа хэлэлцээ өрнүүлэх болно.