III удаагийн Хятад-Монголын үзэсгэлэн 09-р сарын 06-ны өдрөөс 10-ны өдрийг хүртэл ӨМӨЗО-ы Хөххот. Улаанцав, Тунляо хотод зохион байгуулагдана.
Тус удаагийн үзэсгэлэн нь “Хятад, Монгол,Оросын эдийн засгийн хонгилыг байгуулж зүүн хойд Азийн орон бүсийн хамтралцааг ахиулъя” гол сэдвийн дагуу шинжлэх ухаан техник технологи, эдийн засаг арилжаа худалдаа, тариалан, эм эмнэлэг, соёл, ямааны ноолуур зэрэг салбарт төвлөрөн хөрөнгө оруулалт, арилжаа худалдааны зөвшилцөл, хурал чуулга форум, соёлын солилцоо болон үзэсгэлэн яармаг зэрэг дөрвөн том хэсгийн дагуу зохион байгуулах болно.
Энэ жил Хятад, Монголын хооронд дипломат харилцаа тогтоосны 70 жилийн ой болно. Тус удаагийн Хятад-Монголын үзэсгэлэнг “Дэлхийд хандсан олон улсын чанартай үзэсгэлэн” болгох зорилго тавьж, үр бүтээмж сайн зүүн хойд Азийн эдийн засгийн орон бүсийн хамтралцааны тавцан болгон бүтээн байгуулах болно.
2015 онд анхдугаар удаагийн Хятад-Монголын үзэсгэлэн ӨМӨЗО-ы Хөххотод зохион байгуулж, 2017 онд II удаагийн Хятад-Монголын үзэсгэлэн мөн Өвөр Монголд зохион байгуулсан байна. Хоёр удаагийн үзэсгэлэнд дотоод, гадаадын 4000 аж ахуйн нэгж оролцож, яармаг худалдааны солилцоо 1.13 тэрбум юаньд хүрсэн байна.
