ӨМӨЗО-ы Засгийн газраас уламжлалт эм эмнэлгийн хөгжлийг дэмжих тухай мэдэгдэл нийтэлж, монгол эм эмнэлгийн хөгжлийг ахиулах бүх төрлийн төрийн бодлогын хэрэгжилтийг батална гэв. Мэдэгдэлд монгол анагаах ухааны зүү төөнүүр, яс барих, ханах зэрэг монгол эмнэлгийн өвөрмөц эмчилгээ, монгол бэлдмэл эмийг үндсэн эмнэлгийн даатгалд хамруулж, хөнгөн хэлбэрийн өвчин, хүнд хэлбэрийн өвчин, архаг өвчинд хэрэглээний уламжлалт эмчилгээний аргыг хэрэглэхийг дэмжинэ хэмээн онцолсон аж.

Үүнээс гадна монгол, хятад эм эмнэлгийн боловсон хүчин бэлтгэхэд дэмжлэг үзүүлж, ажлын байранд элсэх шаардлагыг багасгаж, насны хязгаарыг бууруулсан байна. Үндсэн шатны монгол эмчийг өндөр цалин өгч ажиллуулах төрийн бодлогыг хэрэгжүүлэхийг онцолсон байна.

Үүнээс өмнө Өвөр Монгол Монгол эм эмнэлгийг хөгжүүлэх тогтоол болон төлөвлөгөөг таван удаа нийтэлж, монгол эм эмнэлгийг хөгжүүлэхэд ашигтай төрийн бодлогыг олон удаа тогтоосон байна.

Монгол эм эмнэлэг нь монгол үндэстний үнэт соёлын өв төдийгүй Хятадын уламжлалт анагаах ухааны чухал бүрэлдэхүүн хэсэг юм. Монгол анагаах ухаан нь хүйтний шинж, ясны гэмтэл, тархи зүрх судасны өвчинд эмчилгээний өвөрмөц үр дүнтэй юм.