ХКН-ын Төв хорооны Улс төрийн товчооны гишүүн, Сахилга бат шалгалтын төв комиссын нарийн бичгийн дарга Ли Ши 4-р сарын 10-ны өдөр Бразилийн Ажилчдын намын дарга Хоффман тэргүүтэй ахмад ажилчдын төлөөлөлтэй уулзлаа.

        Ли Ши хэлэхдээ, Энэ жил Хятад, Бразилийн хооронд дипломат харилцаа тогтоосны 50 жилийн ой тохиож байна. Хятад улс Бразилтай хамтран дарга Ши Жиньпин, Ерөнхийлөгч Лула нарын хүрсэн чухал зөвшилцлийг хэрэгжүүлэх, янз бүрийн салбарт болон бүх түвшинд найрсаг солилцоог дэмжих, улс төрийн харилцан итгэлцлийг нэмэгдүүлэх, стратегийн хамтын ажиллагааг гүнзгийрүүлэх, Хятад-Бразилийн иж бүрэн стратегийн түншлэлийг дээшлүүлэхэд бэлэн байна. Хятадын Коммунист нам Бразилийн Ажилчдын намтай хоёр намын хооронд харилцаа тогтоосны 40 жилийн ойг боломж болгон авч, намын хоорондын харилцааг цаашид гүнзгийрүүлэхэд бэлэн байна.

        Хоффман хэлэхдээ, Энэ жил хоёр нам, хоёр орны харилцааны чухал жил болж байна. Бразилийн Ажилчны нам Хятадын Коммунист Намтай хамтран намын байгуулалт, засаглалын асуудлаарх солилцоог бэхжүүлэх, хоёр орны улс төрийн харилцан итгэлцлийг бэхжүүлэх, хөгжлийн стратеги, хамтын ажиллагааны уялдааг янз бүрийн салбарт бэхжүүлэх, дэлхий нийтийн тулгамдсан асуудлуудад хамтран хариу арга хэмжээ авахад бэлэн байна.