ХКН-ын Төв хорооны Улс төрийн товчооны Байнгын хорооны гишүүн, ХКН-ын Төв хорооны нарийн бичгийн дарга нарын газрын нарийн бичгийн дарга Цай Чи 11-р сарын 22-ны өдөр Монгол Улсын Ардын Намын ерөнхий нарийн бичгийн дарга Д.Амарбаясгалан түргүүтэй төлөөлөгчдийг хүлээн авч уулзав.
Цай Чи хэлэхдээ “Сүүлийн жилүүдэд Хятадын Ерөнхий нарийн бичгийн дарга Ши Жиньпин Монгол Улсын удирдагчидтай олон удаа уулзаж, хоёр талын харилцааны зураг төсөл боловсруулж байна. ХКН Монгол Улсын Ардын намтай хамтран хоёр нам, хоёр улсын удирдагчдын хүрсэн чухал зөвшилцлийг хэрэгжүүлэхийг дэмжиж, ирэх онд Хятад, Монгол хоёр улсын хооронд дипломат харилцаа тогтоосны 75 жилийн ой, “Хятад, Монголын хооронд найрамдал, хамтын ажиллагааны гэрээ”-нд гарын үсэг зуран 30 жилийн ойг тохиолдуулан, улс төрийн харилцан итгэлцлийг бэхжүүлэх, бодит хамтын ажиллагааг дэмжих, иргэдийн солилцоог өргөжүүлэх, Азийн үнэт зүйлсийг түгээн дэлгэрүүлэх, засаглалын туршлага солилцох, харилцан суралцах боломжийг гүнзгийрүүлж, хамтын хувь заяа, ялалт байгуулсан хамтын ажиллагаа, хүн хоорондын хэлхээ холбоо, харилцан тус дэмийн загварыг бий болгож, Хятад-Монголын иж бүрэн стратегийн түншлэлийн харилцааг илүү өндөр түвшинд дэмжинэ” гэжээ.
Д.Амарбаясгалан хэлэхдээ “Сүүлийн үед Монгол, Хятадын хооронд өндөр түвшний солилцоо байнга өрнөж, төрөл бүрийн салбарт хамтын ажиллагаа хүчтэй өрнөж байна. Монгол Ардын Нам "Бүс ба зам" санаачилгатай Монгол Улсын хөгжлийн стратегийн холболтыг дэмжиж, хоёр намын хооронд засаглалын чиглэлээр солилцоо, харилцан суралцах харилцааг бэхжүүлнэ” гэв.
