Хоёр орны тэргүүн Хятад, Хиргисийн бүх талын стратегийн түншийн харилцааг хөгжүүлэхэд санал нэгдэн зөвшөөрч, талуудын нөхөрсөг хамтын ажиллагааны түвшинг шинэ шатанд хүргэнэ гэсэн байна.

Дарга Ши Жиньпин ШХАБ-ын Чиндао дахь дээд хэмжээний уулзалтад оролцохоор хүрэлцэн ирсэн Сооронбай Жээнбеков тэргүүтэй Хиргис улсын багийг хүлээн авч уулзсандаа сэтгэл өндөр байгаагаа илэрхийлсэн байна. Тэрээр Хятад, Хиргис хоёр орон бүх талын стратегийн түншийн харилцааг байгуулж байгаа нь хоёр орны харилцааны түүхэн дэх том үйл хэрэг бөгөөд хоёр орны харилцаанд шинэ боломжуудыг бүрдүүлэх болно. Хятадын тал Хиргисийн талтай хамтдаа хоёр орны уламжлалт нөхөрсөг харилцааг үргэлжлүүлэн хөгжүүлж, найрсаг хамтын ажиллагааг бүх талаар хөгжүүлэхийг зорьж, хамтын хөгжилд хамтдаа хичээн зүтгэж, хоёр улсын ард түмэнд илүү их аж жаргалыг олгохыг хүсэж байна гэж онцолсон байжээ.

Мөн Ши Жиньпин Хиргис хамгийн эрт “Бүс ба зам” санаачилгыг дэмжиж, нэгдсэн орнуудын нэг болох юм. Бид Хиргисийн талтай хамтын ажиллагаагаа тасралгүй хөгжүүлэхийг хүсэж байна. Мөн Хиргисийн талтай хамтран ажиллаж, ШХАБ-г эрүүл тогтвортой хөгжүүлэхийг хүсэж байна гэжээ.

Соронбей Женбеков: - Хиргис, Хятадын эдийн засаг, нийгмийн хөгжилд олсон амжилтыг өндрөөр үнэлж, урт хугацааны туршид тусламж дэмжлэг үзүүлсэн Хятад улсад талархал илэрхийлсэн байна. Өнөөдөр хоёр орон бүх талын стратегийн түншийн харилцааг бий болгож, талуудын нөхөрсөг харилцаанд шинэ түүхийг бичсэн байна. Бид Хятадтай харилцах явдлыг тэргүүн байранд тавьдаг бөгөөд өнгөрсөн, одоо, ирээдүйд Хятадын хамгийн ойр дотно зэргэлдээ хөрш, сайн түнш болно гэжээ. Мөн тэрээр Хиргисийн тал “Нэг Хятад улс” -ын зарчмыг дэмжиж, Хятадын талтай эдийн засаг худалдаа, хүмүүнлэг зэрэг салбаруудад хамтран ажиллаж, бүс нутгийн энх тайван, тогтвортой байдал, аюулгүй байдлыг хамт хамгаалан сахих дуртай. Мөн Хиргис “Бүс ба зам” санаачилгыг дэмжих бөгөөд “Бүс ба зам” нь бүс нутгийн нийтлэг хөгжилд түлхэц үзүүлэх болно гэж үздэг. Хятадын удирдлага дор ШХАБ-ын Чиндао дахь дээд хэмжээний уулзалт амжилттай зохион байгуулах болно гэсэн байна.

Уулзалтын дараа хоёр орны тэргүүн “Хятад болон Хиргисийн бүх талын стратегийн түншийн харилцааг байгуулах хамтарсан мэдэгдэл”-д гарын үсэг зурж, хоёр талт хамтын ажиллагааны гэрээ бичгүүдэд гарын үсэг зурах ёслолд оролцжээ.

Хэлэлцээрээс өмнө дарга Ши Жиньпин Арын Их Хурлын Танхимын гадна Сооронбай Жээнбековийг угтан авах ёслолын арга хэмжээг зохион байгуулсан байна.