БХАТИХ-ын Байнгын хорооны дарга Жао Лэжи 01-р сарын 11-ний өдөр Мальдивын ерөнхийлөгч Муизтэй уулзав.

        Жао Лэжи хэлэхдээ "Дарга Ши Жиньпин, ерөнхийлөгч Муиз нар өчигдөр Хятад-Мальдивын харилцааг стратегийн хамтын ажиллагааны цогц түнш болгон дээшлүүлэх тухай мэдэгдсэн. Энэ нь хоёр улсын харилцааны түүхэнд чухал үйл явдал болж байна. Хоёр тал хоёр улсын тэргүүн нарын хүрсэн чухал зөвшилцлийг хэрэгжүүлж, уламжлалт найрсаг харилцааг урагшлуулж, стратегийн харилцан итгэлцлийг бэхжүүлж, бодит хамтын ажиллагааг өргөжүүлэн, Хятад-Мальдивын харилцаанд шинэ бүлэг нээх хэрэгтэй байна. Жао Лэжи хүн төрөлхтний хувь заяаны хамтын цогцыг байгуулах, уур амьсгалын өөрчлөлтийг шийдвэрлэх талаар Хятадын санаа бодол, ололт амжилтыг танилцуулсан юм. Тэрээр Хятад улс Мальдивын Ардын Их Хуралтай хамтран бүх түвшинд солилцоог бэхжүүлэх, тогтвортой хөгжил, экологийн болон байгаль орчныг хамгаалах чиглэлээр хууль тогтоомжийн туршлага солилцох, хоёр орны хамтын ажиллагааны эрх зүйн баталгааг хангахад бэлэн байна" гэлээ.

        Мальдивын тал Хятад улстай харилцаагаа хөгжүүлэхэд ихээхэн ач холбогдол өгөөд "Нэг Хятадын зарчмыг тууштай баримталж, уламжлалт найрамдал нөхөрлөлөө шинэчлэх, “Бүс ба зам”-ын хамтын ажиллагааг өндөр түвшинд барих, Мальдив-Хятадын харилцааны түвшинг тасралтгүй сайжруулахад Хятад улстай хамтран ажиллахад бэлэн байна" хэмээн Муиз илэрхийллээ.