Бүх Хятадын суртал ухуулгын дарга нарын хурал 06-нд Бээжинд болсон байна. ХКН-ын төв хорооны улс төрийн товчооны байнгын хорооны гишүүн, Төв хорооны нарийн бичгийн дарга нарын газрын дарга Ван Хүнин хуралд оролцож үг хэлсэн байна.

Тэрээр энэ үеэр илэрхийлэхдээ: - Ши Жиньпиний шинэ зууны Хятадын онцлогтой социалист үзэл санаагаар удирдамж болгож,улс төрийн ухамсар, чухал талын ухамсар, гол цөмийн ухамсар, төв руугаа нэгдэх ухамсар зэрэг "Дөрвөн ухамсар”-аа дээшлүүлж, Хятадын онцлогтой социализмын замаар замнах итгэл, онолын итгэл, тогтолцооны итгэл, соёлын итгэл зэрэг “Дөрвөн итгэл”-ийг баримтлан, дарга Ши Жиньпиний намын төв хороо, бүх нам дахь төв болох байр суурийг хамгаалах, намын төв хорооны нэр хүнд, төвлөрсөн нэгдмэл удирдлагыг хамгаалах зэрэг "Хоёрыг хамгаалах” ажлыг сайтар хийж, Хятадын онцлогтой социализмын далбааг өндөрт өргөж, ард иргэдийн сэтгэл санааг төвлөрүүлэн, шинэ боловсон хүчин бэлтгэж, соёлыг хөгжүүлэн, үүрэг хариуцлагаа гүйцэтгэж, суртал ухуулгын ажилд түлхэц өгч, нам ба улс орны үйлсийг хөгжүүлэхийн тулд үзэл санааны баталгаа, эрч хүчийг бий болгох хэрэгтэй гэж онцолжээ.
Ван Хүнин: - Намын ХVIII их хурлаас хойш Ши Жиньпин даргаар цөм болгосон намын төв хороо суртал ухуулгын ажлыг дээд хэмжээнд чухалчилж ирсэн бөгөөд дарга Ши Жиньпин цуврал заавар өгч, суртал ухуулгын ажлын үндсэн үүрэг, чиг хандлага, зорилт, үүрэг хариуцлага, ажлын чухал тал, үндсэн шаардлагыг гүнзгий тодорхойлсон юм. Энэ онд суртал ухуулгын үзэл санааны ажлыг сайн хийж, Ши Жиньпины шинэ эриний Хятад улсын онцлогтой социализмын үзэл санааг суралцан хэрэгжүүлж, БНХАУ байгуулагдсаны 70 жилийн ойг тэмдэглэх төрөл бүрийн арга хэмжээний ухуулга сурталчилгааны ажлыг сайн хийх хэрэгтэй гэжээ.