Лан Цан Жян-Мекон мөрний хамтын ажиллагааны ГХ-ны сайд нарын VIII хурал 12-р сарын 07-ны өдөр Бээжин хотноо болов. ХКН-ын Төв хорооны улс төрийн товчооны гишүүн, Гадаад харилцааны сайд Ван И, Мьянмарын дэд ерөнхий сайд, Гадаад хэргийн сайд Мансү нар тус хурлыг хамтран тэргүүлэв. Уулзалтад Камбожийн ерөнхий сайдын орлогч, Гадаад хэргийн сайд Сон Ким Да, Тайландын ерөнхий сайдын орлогч, Гадаад хэргийн сайд Бамби, Вьетнамын Гадаад хэргийн сайд Буй Тан Сон, Лаосын намын Төв хорооны хэлтсийн захирал Тонгсаван нар оролцсон бол "Бүс нутгийн дэд бүтцийн хөгжилд орчин үеийн шинэ давуу талуудыг бий болгож хамтдаа урагшлах нь" гол сэдвийн хүрээнд болжээ.
Ван И хэлэхдээ “Гадаад хэргийн сайд нарын өмнөх уулзалтаас хойш бүх талууд "Хөгжлийг түрүүнд тавьж, тэгш байр суурь, прагматизм ба үр дүн, нээлттэй, хамрах хүрээн дээр зөвлөлдөх"-өөр Мекон мөрний үзэл санааг баримтлаж, төрөл бүрийн салбарт хамтын ажиллагааг тогтвортой дэмжиж, хэд хэдэн шинэ ололт амжилтыг гаргаж, хэд хэдэн шинэ онцлох үйл явдлыг бий болгосон. Хятад улс хөрш орнууддаа энх тайван, чин сэтгэл, ашиг тус, хүлцэнгүй байдлын тухай дарга Ши Жиньпиний үзэл баримтлалыг шийдвэртэй хэрэгжүүлж, Мекон улс орнуудтай хамтран Лан Цан Жян-Мекон улсуудад энх тайван, хөгжил цэцэглэлтийн төлөөх хувь заяаны хамтын цогцыг цогцлоон байгуулж, “Бүс ба зам” үлгэр жишээ бүс, Дэлхийн хөгжлийн санаачилгын түрүүний бүс, Дэлхийн аюулгүй байдлын санаачилгын туршилтын бүс, Дэлхий дахины соёл иргэншлийн санаачилын тэргүүний бүсийг байгуулахад хамтран ажиллах болно” гэв.
Лан Цан Жян-Мекон мөрний хамтын ажиллагааны дараагийн шатанд зургаан чиглэлд анхаарлаа хандуулахыг Ван И санал болгов.
Нэг. Бид илүү ойр дотно хувь заяаны хамтын цогцыг байгуулах хэрэгтэй.
Хоёр. Эдийн засгийн хөгжлийн илүү уялдаатай бүсийг бий болгоно.
Гурав. Хөгжлийн илүү аюулгүй орчинг бүрдүүлнэ.
Дөрөв. Илүү дижиталчлал руу тэмүүлэх хөгжлийн ирээдүйг бий болгоно.
Тав. Илүү өвөрмөц шинж чанар бүхий хүмүүсийн хамтын ажиллагааг гүнзгийрүүлнэ.
Зургаа. Бид хамтын ажиллагааны тухай илүү өргөн хүрээтэй ойлголтыг дэмжих ёстой.
