2023 оны Экологийн соёл иргэншлийн Гүйянгийн олон улсын форум 08-ны өдөр Гүйян хотод нээгдэв. ХКН-ын Төв хорооны Улс төрийн товчооны гишүүн, Төрийн зөвлөлийн дэд ерөнхий сайд Лю Гүөжүн нээлтийн ёслолд оролцож, үг хэлэв.

Лю Гүөжүн:

- Экологийн соёлын Гүйянгийн олон улсын форумыг үндэсний түвшний олон улсын форум болгон 10 жилийн турш амжилттай зохион байгуулж байгаа бөгөөд одоо энэ форум нь дэлхийн экологийн соёлын бүтээн байгуулалт, тогтвортой хөгжлийг дэмжих чухал индэр болж байна.

Хятадын засгийн газар экологийн соёлын бүтээн байгуулалтад ихээхэн ач холбогдол өгч байна. Сүүлийн арван жилд Ши Жиньпиний Экологийн соёлын бодлогын удирдлага дор экологийн орчны хамгаалалтад түүхэн чанартай ерөнхий өөрчлөлт гарсан. Хүн, байгаль хоёр харилцан зохицон амьдардаг хятад маягийн модернизацийг дэмжих үйл явцад Хятад улс хөгжлийн хэв маягийн ногоон өөрчлөлтийг түргэсгэж, хүрээлэн буй орчны бохирдлоос урьдчилан сэргийлэх, хянах үйл явцыг тасралтгүй бэхжүүлэх болно. Экосистемийн олон янзын байдал, тогтвортой байдлыг сайжруулан, нүүрстөрөгчийн ялгаварлалтыг оргил үеэс нь бууруулах, нүүрстөрөгчийн ялгаварлалтыг саармагжуулах ажлыг урагшлуулж, үзэсгэлэнт Хятад улсын бүтээн байгуулалтад идэвхтэй оролцох бүх хүмүүст бүрэн найдаж, нийт ард түмний хамтын бүтээн байгуулалт, хуваалцах сайн нөхцөлийг бүрдүүлэхэд хичээн зүтгэнэ гэж хэллээ.

Лю Гүөжүн:

- Хүн, байгаль хоёрын эв найрамдалтай хамтын ажиллагааг хөгжүүлэн дэмжих нь бүх хүн төрөлхтний нийтлэг үүрэг. Хятад улс дэлхийн бусад улс орнуудтай солилцоо, хамтын ажиллагаагаа улам бэхжүүлж, дэлхийн байгаль орчны засаглалд идэвхтэй оролцож, олон улсын конвенцыг ухамсартайгаар хэрэгжүүлэн, дэлхийн экологийн соёл иргэншлийн бүтээн байгуулалтыг шинэ түвшинд хүргэхэд хамтран дэмжлэг үзүүлэх хүсэлтэй байна гэж онцолсон байна.