Орон нутгийн цагаар 12-р сарын 13-ны үдээс хойш Вьетнамд төрийн айлчлалаас улстаа харихдаа Хятадын Коммунист Намын Төв хорооны ерөнхий нарийн бичгийн дарга, Хятад улсын дарга Ши Жиньпин болон түүний гэргийн хамт Вьетнамын Коммунист намын Төв хорооны Ерөнхий нарийн бичгийн дарга Нгуен Пху Тронг болон түүний эхнэртэй хамт хүндэтгэл үзүүлэн үдэх ёслол хийлээ.

        Нгуен Пху Тронг:

- Ерөнхий нарийн бичгийн дарга Ши Жиньпинд энэ удаагийн айлчлалаа бүрэн дүүрэн амжилттай хийсэнд баяр хүргэе! Ерөнхий нарийн бичгийн дарга Ши Жиньпингийн айлчлал нь хоёр талын хамтын ажиллагааны олон арван баримт бичигт гарын үсэг зурахыг нүдээр үзээд зогсохгүй, хамгийн чухал нь бид цаашид харилцан ойлголцол, итгэлцлийг нэмэгдүүлж, стратегийн ач холбогдолтой хувь заяаны хамтын ирээдүйтэй Вьетнам-Хятадын нийгмийг байгуулахаар шийдсэн нь хоёр орны ирээдүйн харилцаанд шийдвэрлэх ач холбогдолтой юм. Бид хоёр орны залуучууд болон найрсаг ард түмний төлөөлөлтэй уулзаж, анхны хүсэл мөрөөдөлдөө үнэнч байж, үүрэг хариуцлагаа бат санаж, хоёр орны уламжлалт нөхөрлөлийг өвлөн залгамжлах болно гэдэгт итгэж байна гэж хэлэв.

        Ши Жиньпин дарга:

- Хятадын Коммунист намын XX их хурал амжилттай зохион байгуулсаны дараа би даруй Ерөнхий нарийн бичгийн дарга Нгуен Пху Тронгийг Хятадад айлчлахыг урилаа. Хятад, Вьетнамын намуудын удирдагчид хоёр нам, хоёр орны харилцааны хөгжлийг биечлэн төлөвлөж байгаа нь бидний сайн уламжлал юм. Энэ удаагийн айлчлалын үеэр бид стратегийн ач холбогдолтой хувь заяаны хамтын цогцыг байгуулахаа хамтдаа зарласан. Ингэснээр Хятад- Вьетнамын харилцаа түүхийн шинэ эхлэлийн цэг дээр зогсож, Хятад-Вьетнамын харилцааг шинэ түвшинд хүргэх нь гарцаагүй гэж хэллээ.