Хятадын төрийн зөвлөлийн ерөнхий сайд Ли Чян 4-р сарын 2-ны өдөр  Ардын их хурлын ордонд Индонезийн шинээр сонгогдсон ерөнхийлөгч Прабово Субиантотой уулзав.

        Ли Чян хэлэхдээ, Сүүлийн жилүүдэд хоёр улсын төрийн тэргүүнүүдийн хамтарсан удирдлага дор Хятад, Индонезийн харилцаа хурдацтай хөгжиж, хамтын ирээдүйтэй Хятад-Индонезийн нийгмийг байгуулах шинэ бүлгийг нээж байна. Прабово сонгогдсоныхоо дараа анхны айлчлалаараа Хятадад ирсэн нь хоёр орны гүн гүнзгий нөхөрлөлийг дахин харуулсан юм. Өчигдөр дарга  Ши Жиньпин, ерөнхийлөгч Прабово Хятад-Индонезийн харилцааны урт хугацааны хөгжлийн асуудалтай холбоотой асуудлаар гүнзгийрүүлэн харилцаж, хэд хэдэн чухал зөвшилцөлд хүрсэн юм. Хятад улс Индонези улстай стратегийн өндөр түвшний харилцан итгэлцлийг хадгалах, бүх талаар харилцан ашигтай хамтын ажиллагааг гүнзгийрүүлэх, хамтын ирээдүйтэй Хятад-Индонезийн хамтын нийгэмлэг байгуулахыг дэмжихэд бэлэн байна. Ингэснээр илүү их хожлын үр дүнд хүрч, хоёр ард түмэнд илүү сайн ашиг тусаа өгөх юм.

        Прабово хэлэхдээ, Индонез Хятадтай солилцоо хийж ирсэн урт удаан түүхтэй. Хятадын Индонези болон Индонезийн ард түмнийг хүндэтгэж, нөхөрлөж байгааг Индонези өндрөөр үнэлж, Индонезид хүчтэй дэмжлэг, туслалцаа үзүүлсэнд Хятадад талархаж байна. Би сонгогдсоныхоо дараа анхны албан ёсны айлчлалаараа Хятадад ирсэн. Хоёр орны найрамдал, хамтын ажиллагааг бэхжүүлж, хоёр орны харилцааг дээшлүүлэхийг дэмжих шийдвэр төгс байна. Индонезийн шинэ засгийн газар Хятадын хөгжлийн ололт амжилтыг биширч,Хятадын туршлагаас суралцаж, дэд бүтцийн бүтээн байгуулалт, хөдөө аж ахуй, ядуурлыг бууруулах, ард түмний амьжиргаа, ногоон эдийн засгийн салбарт Хятадтай хамтын ажиллагаагаа улам гүнзгийрүүлэхэд бэлэн байна. Мөн хоёр талын ойр дотно харилцааг төлөвшүүлж, бүс нутгийн болон дэлхийн энх тайван, хөгжилд эерэг хувь нэмэр оруулна.