Катар улсын засгийн газрын урилгаар ХКН-ын Төв хорооны Улс төрийн товчооны гишүүн, Бээжин хотын намын хорооны нарийн бичгийн дарга Инь Лилюү тэргүүтэй ХКН-ын төлөөлөгчид 09-р сарын 18-наас 20-ны өдрүүдэд Катарт айлчлав. Айлчлалын үеэр Катарын Ерөнхий сайдын Тамгын газрын дарга, Үндэсний аялал жуулчлалын комиссын орлогч дарга, Хөрөнгө оруулалтын газрын захирлуудын зөвлөлийн дарга, Төв банкны захирагч, Хотын Засаг дарга, Харилцаа холбоо, мэдээллийн технологийн газрын дарга, чөлөөт бүсийн менежментийн хорооны орлогч дарга нартай уулзлаа.

Инь Лилюү:

- Ши Жиньпин, Эмир Тамим нарын стратегийн удирдлага дор хоёр талын янз бүрийн салбарын солилцоо, хамтын ажиллагаа улам гүнзгийрсээр байна. Энэ жил Хятад, Катарын хооронд дипломат харилцаа тогтоосны 35 жилийн ой, Бээжин, Дохагийн найрамдлын 15 жилийн ой тохиож байна. Хятад улс энэ боломжийг Катартай хамтран хоёр улсын төрийн тэргүүн нарын чухал зөвшилцөл болон Хятад-Арабын орнууд, Хятад-Булангийн хамтын ажиллагааны зөвлөлийн  анхдугаар дээд хэмжээний уулзалтын үр дүнг идэвхтэй хэрэгжүүлж, засаглалын үзэл баримтлалын талаар солилцоо, харилцан суралцахыг бэхжүүлж, Хятад-Катар, Хятад-Арабын орнууд, Хятад-Булангийн хамтын ажиллагааны  харилцааг шинэ түвшинд хүргэхэд бэлэн байна. Бээжин хот Катар, ялангуяа Доха хоттой солилцоо, хамтын ажиллагаагаа улам гүнзгийрүүлж, Хятад-Катарын харилцааны хөгжилд хувь нэмрээ оруулахад бэлэн байна гэж хэлэв.

Катар улсынхан:

- Сүүлийн жилүүдэд хоёр улс улс төрийн харилцан итгэлцлийг тасралтгүй бэхжүүлж, олон талт үйл явдалд бие биенээ дэмжиж, эдийн засаг, худалдаа, хүмүүнлэг, спортын салбарт ойр дотно солилцоог хадгалж байна. Катар улс хөгжлийн стратегийн холболт болон Хятадтай "Бүс ба зам" хамтын ажиллагааг гүнзгийрүүлж, орчин үеийн шинэчлэл бүтээн байгуулалтын эргэн тойрон дахь хоёр нийслэлийн солилцоо, хамтын ажиллагааг бэхжүүлж, Катар-Хятадын стратегийн түншлэлийн харилцааг илүү их хөгжүүлэхэд дэмжлэг үзүүлэхэд бэлэн байна гэдгээ илэрхийлэв.