Бүгд Найрамдах Ардчилсан Конго Улсын Ерөнхийлөгч Цисекедигийн урилгаар, БНХАУ-ын дарга Ши Жиньпиний тусгай элч, Улс Төрөөр Зөвлөлдөх Зөвлөлийн Бүх Хятадын Хорооны дэд дарга Шэнь Юйюй 01-р сарын 20-ны өдөр Бүгд Найрамдах Ардчилсан Конго Улсын нийслэл Киншаса хотод  Бүгд Найрамдах Ардчилсан Конго Улсын Ерөнхийлөгчийн тангараг өргөх ёслолд оролцов.

        Шэнь Юйюй дарга Ши Жиньпинд чин сэтгэлийн мэндчилгээг Цисекедид дамжуулав. Шэнь Юйюй илэрхийлэхдээ, Хятад улс Хятад, Конго улсуудын харилцааны хөгжилд ихээхэн ач холбогдол өгч, хоёр улсын тэргүүн нарын хүрсэн чухал зөвшилцлийг хэрэгжүүлэх, бие биенийхээ үндсэн ашиг сонирхлыг тууштай дэмжих, харилцан ашигтай, ялалт байгуулсан хамтын ажиллагааг гүнзгийрүүлэх, ард иргэд хоорондын харилцаа солилцоог хөгжүүлэх, “Бүс ба Зам” санаачилга, Хятад-Африкийн хамтын ажиллагааны форумын хүрээнд солилцоо, хамтын ажиллагааг гүнзгийрүүлэн хөгжүүлэх, Хятад-Конго хоёр улсын стратегийн хамтын ажиллагааны илүү бат бэх, эрчимтэй түншлэлийг бий болгоход Конгогийн талтай хамтран ажиллахад бэлэн байна гэв.

        Цисекеди дарга Ши Жиньпинд Ерөнхийлөгчийн тангараг өргөх ёслолд нь оролцохоор тусгай төлөөлөгч илгээсэнд чин сэтгэлийн талархал илэрхийлээд, Шэнь Юйюйгээс дарга Ши Жиньпинд чин сэтгэлийн мэндчилгээ дамжуулахыг хүслээ. Цисекеди:

- Бүгд Найрамдах Ардчилсан Конго Улс Конго, Хятадын уламжлалт нөхөрлөлд ихээхэн ач холбогдол өгч, нэг Хятадын зарчмыг тууштай баримталж, уул уурхай зэрэг гол салбарт Хятад улстай хамтын ажиллагаагаа гүнзгийрүүлэхэд бэлэн байна. Ингэснээр хоёр талын харилцааг илүү өндөр түвшинд хүргэхэд бэлэн байна гэж хэллээ.