ӨМӨЗО-ны тэргүүлэгч Баатар хурлын үеэр хэлэхдээ: -ӨМӨЗО “Торгоны замын эдийн засгийн бүс нутаг”-ийн байгуулалтад хамрагдсан нь умардад нээлттэй байх сууринг байгуулахад чухал нэг алхам болно гэжээ.
Өвөр Монголын газар нутаг урт нарийн бөгөөд хойшоо гадаадад Орос, Монгол Улстай хөршилж, дотоодод Хармөрөн зэрэг 8 муж хотуудтай хиллэж байна. Дундад улсын умардад нээллтэй нөхцөл байдал нь их байгаа юм.
Өвөр Монголд одоогоор 16 боомт нээлттэй болсон бөгөөд Манжуур болон Эрээн боомт нь Ази Европыг холбосон төмөр замын чухал боомт болно. Мөн Дундад улсын хамгийн том эх газрын боомт болон Монгол Улсад хандсан хамгийн том боомт болно.
Энэхүү нөхцөл байдалдаа үндэслэн Өвөр Монгол гадаадад хандсан эдийн засаг ихээр хөгжиж эхэлсэн байна.
2014 онд Өвөр Монгол болон Орос, Монгол Улсын хамтын ажиллагаа дээшилж, Манжуур хотын улсын зэрэглэлийн хөгжил нээлтийн туршилтын парк нь эрчимтэй хийгдэж байгаа бөгөөд Эрээн хотын улсын зэрэглэлийн хөгжил нээлтийн туршилтын паркийн бүтээн байгуулалтын төсөл нь ч Төрийн зөвлөлөөр зөвшөөрөгдсөн байна. ӨМӨЗО-ны гадаад арилжааны ерөнхий хэмжээ жилд 14 тэрбум 550 сая юаньд хүрч, өнгөрсөн үеийнхээс 21.4 хувиар нэмэгджээ.
Дарга Баатар хэлэхдээ: -2015 онд ӨМӨЗО Орос улс болон Монгол Улстай хамтын ажиллагааны механизмийг шинэчилж, боомтын байгуулалтыг эрчимжүүлж, бүх талаар нээлттэй болгоно гэсэн байна.
