Есдүгээр сарын 23 намрын хугас, энэ өдөр Хятад улс хоёр дахь удаагийн "Ургацын баяр"-аа угтан авлаа. ХКН-ын Төв хорооны ерөнхий нарийн бичгийн дарга, Хятад улсын дарга, Цэргийн төв зөвлөлийн дарга Ши Жиньпин CCTV-ийн хөдөө аж ахуй, хөдөө тосгон сувгаар дамжуулан, бүх Хятадын өргөн олон тариачин, хөдөө тосгон, хөдөө аж ахуйн салбарт ажиллаж буй ажилчдад хандан чин сэтгэлийн мэндчилгээ дэвшүүлж, CCTV-ийн хөдөө аж ахуй, хөдөө тосгон суваг албан ёсоор нэвтрүүлгээ эхлүүлсэнд халуун баяр хүргэжээ.

Ши Жиньпин: - Хавартаа тарьж, намартаа ургац авдаг нь жам ёс билээ. Хөдөө аж ахуйн үндэс суурь тогтвортой, хөгжлийн хүчин хангалттай байна. "Хөдөө аж ахуй, тариачид малчин, хөдөө тосгон"-ы салбарт гарсан ололт амжилт бол нам, ард түмний хамтын хүчин зүтгэлийн үр дүн, мөн өргөн олон тариачид, хөдөө аж ахуйн салбарт ажиллаж буй ажилчдын шаргуу хөдөлмөрийн үр дүн юм. Улс орныхоо өнцөг булан бүрд шаргуу хөдөлмөрлөж байгаа тариачин нөхдөдөө чин сэтгэлийн мэндчилгээ дэвшүүлье гэжээ.

Ши Жиньпин CCTV-ийн хөдөө аж ахуй, хөдөө тосгон суваг албан ёсоор нээгдсэнд баяр хүргээд: - Тус суваг Намын төв хорооны "Хөдөө аж ахуй, тариачин малчид, хөдөө тосгон"-ы ажлын бодлого, хуваарилалтыг гүнзгий сурталчлан танилцуулж, хөдөө аж ахуй, хөдөө тосгон, тариачин малчдын шинэ эриний шинэ дүр төрөхийг сурталчлан ухуулж, бүх нийгмээрээ хөдөө аж ахуй, хөдөө тосгон, тариачин малчдад анхаарал халамж тавьж, ядууралтай тэмцэн, Хятадын хөдөө аж ахуй, хөдөө тосгоны өөрчлөлт хөгжлийг дэмжиж, хөдөө орон нутгийг улам хөгжүүлэхийн тулд ихээхэн хувь нэмэр оруулна гэдэгт итгэлтэй байна гэжээ.