Да Лянь, Шэнь Ян, Чан Чүнь, Харбин, Хөххот, Манжуур зэрэг 6 хотын Гаалийн газрыг нэгдсэн цогц хэлбэрт оруулна. Энэ нь Зүүн хойд бүс нутгийн эдийн засгийн хөгжил ба “Нэг бүс нэг зам”-ын стратеги бодлогын хэрэгжилтийг дэмжих ажил болно. 5 дугаар сарын 1-нээс эхлэн аж ахуйн нэгж нь өөрийн хэрэгцээний дагуу хянаж шалгах арга хэлбэрийг сонгох эрхтэй болж байгаа юм. Хяналт шалгалтын үед бараа тээвэрлэлтийн бодит байдлаас шалтгаалан боомт ба гаалийн хянан шалгуулах газрыг сонгох боломжтой.

Түүнчлэн “Нэг удаа бүртгүүлээд олон өөр гаалийн газарт мэдүүлж” болох юм байна. Бүс нутгийн гадна талд гаальд бүртгүүлэх аж ахуйн нэгж нь бүс нутгийн хүрээнд салбар гаргаж, Гаалийн газарт мэдүүлж болно. Чан Чүнь хотын Гаалийн газрын орлогч дарга Ү Жишюү: - Шинэчлэлт, өөрчлөлтийн дараа оруулж гаргах аж ахуйн нэгжийн хянан шалгах бичиг баримт бүртгүүлэх ажлыг хялбарчилжээ. Аж ахуйн нэгж нь татвар хураамж, бараа тээвэрлэлтийн хяналт шалгалтын мэдүүлгээ гаалийн газарт бүртгүүлж болно. Мөн аль нэгэн гаалийн газарт баримт бүртгүүлэхэд ч адилхан нөхцөлийг биелүүлэх боломжтой. Гаалиар хянаж шалгах нэгдсэн цогц арга хэлбэр нь оруулж, гаргах аж ахуйн нэгжид таатай нөхцөл бүрдүүлээд байна. Да Лянь гармаас Чан Чүнь хотод хүрэх бараа тээвэрлэлтэд гаалийн хяналт шалгалтын нэгдсэн цогц хэлбэр бүхий арга хэмжээг хэрэгжүүлснээр бараа тээврийн өртөг нь 20-30 хувиар буурсан ба цаг хугацааны хувьд ч 12-24 цагаар хэмнэсэн байна.