Төлийн дуунд урьхан хавар тал нутагт саатаж, Өвөр Монголын мал аж ахуйн орон төл хүлээн авах хамгийн яаралтай цаг үедээ оржээ. Энэ оны төл хүлээн авах ажил нь "КОВИД-19"-өөс сэргийлэн дарах онцгой цаг үед таарсан болохоор Өвөр Монголын Хянган аймгийн Улаанмодын хилийн сэргийлэлтийн томилсон салбар малчдын төлөө хүлээн авч онд оруулах, малын хижиг тахлаас сэргийлэн засахад нь тусалж, мал аж ахуйн үйлдвэрлэл болон халдварт өвчнөөс сэргийлэн дарах ажлын аль алийг нь  ч саатахгүй баталж байна.

Өвөр Монголын Хянган аймгийн Хорчин Баруун Гарын Өмнөд хошууны Улаанмод сум бол тэр чигтээ мал аж ахуйн орон юм. Хаврын төл хүлээн авах бол малчдын нэг жилийн хамгийн завгүй үе бөгөөд нэг жилийн гол орлогын үүсвэр нь ч хаврын төл малын байдлаар тогтоогддог юм.

Иймээс Улаанмодод суугаа хилийн сэргийлэлтийн томилсон салбар цагийг амжиж баялаг туршлагатай монгол ардын цагдаагаас бүрдсэн “Халдвараас сэргийлж үйлдвэрлэлийг батлах” үйлчилгээний багийг даруйхан зохион байгуулж, хилийн орон нутгаар хөтөлмөр хүч дутагдаж байгаа малчин өрхөөр гүнзгийрэв. Төл малаа хүлээн авч онд оруулахад нь туслах, малын хашаа саравчийг нь халдваргүйжүүлж ариутгах зэрэг ажилд нь туслан, тэдний мал аж ахуйн үйлдвэрлэлд тулгарсан саад бэрхшээлийг нь шийдвэрлэж өгч байна. Үүний зэргцээ тэд бас хошуу ба сум шянь, суурингийн халдварт тахлаас хамтран сэргийлэн дарах үйлчилгээний систем байгуулав. Үүгээр тэд мал аж ахуйн мэргэжилтнүүдийг зохион байгуулан утас, вичат зэргээр дамжуулж малчдыг өрх ангилан мэргэжлийн зөвлөгөө өгч, хаврын төлийн онд оруулалтын нормыг дээшлүүлж байгаа юм.

Одоог хүртэл үйлчилгээний баг малчдад тусалж 300 гаруй төл хүлээн авч, төлийн онд оруулах норм 99 хувьд хүрчээ. Одоо тахал хижгээс сэргийлэх ба төл хүлээн авч малыг үр дүнтэй онд оруулах ажил мөн алхам дараатай үргэлжилсээр байна.