Орон нутгийн цагаар энэ сарын 20-ны өдөр ДЭМБ-ын Ерөнхий захирал Тедрос Адханом Женевт болсон "Ковид-19"-тэй холбоотой ээлжит бага хуралд:

- Дэлхий даяар 210000 гаруй шинэ коронавирусээр өвчилсөн тохиолдол батлагдаж, 9000 гаруй хүн нас барлаа. Үхань хотод шинэ тохиолдол илрээгүй тухай мэдээллийг ДЭМБ авлаа. Энэ нь дэлхийн бусад орнуудад итгэл найдвар, хүч зориг өгсөн бөгөөд хамгийн ноцтой нөхцөл байдлыг ч сайжруулах боломжтой гэдгийг харуулж байна гэж хэллээ.

   ДЭМБ-ын эрүүл мэндийн яаралтай тусламжийн төслийн тэргүүн Майкл Рай-Ан:

- Үханьд халдвар авсан тохиолдол шинээр нэмэгдээгүй нь "Ковид-19"-ийг хянаж, халдварын гинжийг тасалж чадна гэдгийг харуулж байна. Бүх нийгэм нийтээрээ их хүчин чармайлт гаргаж, эв санаагаа нэгтгэн, хамтран ажиллах ёстой бөгөөд итгэл зоригтой эмнэлгийн ажилтнууд, үр дүнтэй хангамжийн систем байх шаардлагатай гэж хэлсэн байна.

Тедрос Адханом:

- Одоогоор дэлхий даяар хамгаалалтын хувцас хомсдож байгаа тул ДЭМБ-аас улс орнуудад дэмжлэг үзүүлэх болно. Хятадын зарим нийлүүлэгч тал ДЭМБ-д холбогдох эд материал хангахыг хүлээн зөвшөөрлөө. Нарийн ажлыг хэлэлцэж байгаа тухай ДЭМБ нотолсон гэсэн байна.