Хятад улсын дарга Ши Жиньпин саяхан Испаний хаан Фелипе VI, Францын Ерөнхийлөгч Макрон, Германы канцлер Ангела Меркел, Сербийн Ерөнхийлөгч Вучич нарт тус бүр цахилгаан илгээж, сүүлийн үед Испанид "Ковид-19" тархаж буйтай холбогдуулан Хятадын Засгийн газар болон ард түмний нэрийн өмнөөс Испани, Франц, Герман, Сербийн Засгийн газар болон ард түмнийг дэмжиж байгаа сэтгэлээ илэрхийллээ.
Ши Жиньпин дарга Испаний хаан Фелипе VI -д илгээсэн цахилгаандаа: Тахлын эсрэг авч хэрэгжүүлж буй Испаний бодлого болон хүчин чармайлтыг Хятад улс шуурхай дэмжиж байгаа бөгөөд урьдчилан сэргийлж, хянах асуудлаарх туршлага, эмчилгээний төслийг хуваалцан, боломжийн нөхцөлд тус дэмжлэг үзүүлэхэд бэлэн байна. Хүн төрөлхтөн бол хувь заяаны хамтын цогц, эв нэгдэн хамтран ажиллах нөхцөлд л энэ удаагийн олон нийтийн эрүүл мэндийн аюулгүй байдлын сорилтыг даван туулж чадна гэсэн байна.
