Өвөр Монголын музей, Өвөр Монголын номын сан, Өвөр Монголын соёлын ордон, Өвөр Монголын Жаожюнь музей, Гүнжийн ордны музей, Өвөр Монголын үзэсгэлэнгийн танхим гэх мэт газрууд дахин нээгдэж үйл ажиллагаагаа явуулж эхэллээ. Сүүлийн өдрүүдэд тахал үр дүнтэй хяналттай болсноор Өвөр Монголын хэмжээнд олон соёлын газрууд үүд хаалгаа нээлээ. Хүлээн авах хугацаа, хүний тоо, үйл ажиллагааны чиглэлд хязгаарлалтууд байдаг ч олны танил болсон соёлын амьдрал энэ хавар эцэстээ эргэн ирлээ. 
    Хөххотын үдшийн мэдээний сурвалжлагч саяхан нээгдээд байгаа олон олон соёлын газруудад очиж, тархалтаас урьдчилан сэргийлэх, хянах, халдваргүйжүүлэх, биеийн халууныг хэмжих гээд бүх ажлыг эмх цэгцтэй, нямбай явуулж байгаатай танилцав. Хотын оршин суугчдын соёлын амьдралд шаардлагатай байгаа зүйлийг тайлбарлаж, онлайнаар тасалбар захиалсан эсвэл газар дээр нь очиж тасалбар авч байгаа иргэд улам бүр нэмэгдсээр байна. Үүний зэрэгцээ зарим музейн тайлбарлагчид энэ хугацаанд онлайн тайлбарыг үргэлжлүүлэн хийж, Хөххотын оршин суугчдад хотын музейн үйлчилгээг илүү ихээр хүргэж байна.