Хятад улсын цагаачлалын үндэсний газрын албан хаагч 30-нд хэлэхдээ, худалдаа, технологи, цар тахлыг эсрэг хамтын ажиллагаа зэрэг шаардлагатай үйл ажиллагаа өрнүүлэх, тэрчлэн хүмүүнлэгийн яаралтай туслалцаа үзүүлэх зэрэг шалтгаанаар Хятад улсад ирэх шаардлагатай хүмүүс гадаадад суугаа Хятадын Элчин Сайдын Яамд хүрч дахин виз авч болно гэжээ.

Цагаачлалын үндэсний газрын хилийн шалгалт, менежментийн хэлтсийн дарга Лю Хайтао мөн өдрийн хэвлэлийн бага хуралд хэлэхдээ, өнөөгийн Хятадын дотоодын цар тахлын нөхцөл байдал тогтвортой хэвээр байна, гэхдээ сүүлийн өдрүүдэд хилийн чанадаас халдвар авч ирсэн тохиолдол эрс нэмэгдэж, 700-г давсан байна. Хилийн чанадаас зөөвөрлөн орж ирэхээс үр дүнтэй сэргийлэхийн тулд ГХЯ, Цагаачлалын үндэсний газар хамтран мэдэгдэл гаргаж, гадаадын иргэн Хятадын хилээр нэвтрэхэд тодорхой хэмжээний хязгаарлалтын арга хэмжээ авсан байна. Энэ нь мөн олон орны өнөөгийн практик үйл ажиллагаанд суурилсан, аргагүйн эрхэнд авч хэрэгжүүлж буй түр цагийн хязгаарлалтын арга хэмжээ болно гэлээ.

Лю Хайтао: дипломат эсвэл албан ёсны визтэй хүмүүс, хилээр нэвтрэх тээврийн хэрэгслийн ажилтнуудын С төрлийн визтэй гадаадын хүмүүс энэ хязгаарлалтад хамрагдахгүй. Цагаачлалын үндэсний газар ГХЯ-тай хамтарч цар тахлын нөхцөл байдлын өөрчлөлтөд үндэслэн визийн бодлогыг тодорхойлно. Хэрэв холбогдох бодлогоо өөрчилбөл Цагаачлалын үндэсний газар, Гадаад харилцааны яам цаг тухайд нь мэдэгдэнэ гэжээ.