04-р сарын 09-ний өдөр ХКН-ын Төв Хорооны Улс төрийн товчооны байнгын хорооны гишүүн, Төрийн зөвлөлийн Ерөнхий сайд, COVID-19” халдварын эсрэг тэргүүлэгчийн багийн дарга Ли Кэчян тэргүүлэгч бүлгийн хуралдааныг даргалан хуралдуулжээ.
Хилийн чанадаас халдвар орж ирэхийг урьдчилан сэргийлэх, дотоодын халдварт өвчнөөс урьдчилан сэргийлэх арга хэмжээг илүү сайжруулах ёстой. Халдварт өвчнөөс урьдчилан сэргийлэх, хянах ажлыг үргэлжлэн бэхжүүлж, үйлдвэрлэл, амьдралын хэв маягийг цогцоор нь сэргээх ажлыг хурдасгах хэрэгтэй гэдгийг хурлаар тэмдэглэв.
Энэхүү хурлаар цар тахлын тархалтын нөхцөл байдал дэлхийд хурдацтай тархаж байгаатай холбогдуулан халдварт өвчний хил дамнасан халдварыг урьдчилан сэргийлэх, хяналт тавих, хэрэгжүүлэх ажлыг үр дүнтэй болгох чиглэлээр анхаарал хандуулахыг шаарджээ. Хилийн мужийн бүх шатны намын хороо, засгийн газрууд үүрэг хариуцлагаа нэгтгэж, орон нутгийн нөхцөлд нийцүүлэн урьдчилан сэргийлэх, хянах ажлын төлөвлөгөө боловсруулах хэрэгтэй. Шаардлагагүй хил дамнасан хөдөлгөөнийг бууруулж, ачаа тээвэрлэлтийг хэвийн явуулна. Хилийн боомт ба боомт хотуудад эмнэлгийн хэрэгсэл, туршилтын лабораторийн барилгын ажлыг дэмжинэ. Хөрш орнуудын холбогдох улсуудтай хамтарсан батлан хамгаалах, хамтарсан хяналтын механизм байгуулахыг дэмжинэ. Гадаадад байгаа иргэддээ анхаарал халамж тавьж, практик бэрхшээлийг шийдвэрлэхэд нь туслах, эрүүл мэнд, аюулгүй байдал, хууль ёсны эрхийг нь хамгаалах шаардлагатай байна гэж онцолжээ.
Энэхүү хурлаар олон улсын хамтын ажиллагааг бэхжүүлэн, холбогдох улс орнуудад гарсан тахал өвчний урьдчилан сэргийлэх, хяналт, тусламжийг үргэлжлүүлэн өгөх, тахлаас урьдчилан сэргийлэх экспортын бүтээгдэхүүний чанарт хяналт тавих ажлыг эрчимжүүлэх хэрэгтэй. Урьдчилан сэргийлэх, хяналтыг хэвийн болгохын зэрэгцээ үйлдвэрлэлийг бүрэн хэмжээгээр эхлүүлэх таатай нөхцөлийг идэвхтэй бий болгох, дотоодын эрэлтийг сэргээх ажлыг хурдасгах, бүх төрлийн аж ахуйн нэгж, ялангуяа жижиг дунд үйлдвэрлэлийг дэмжих, хүндрэл бэрхшээлийг даван туулах, халдварт өртсөн хүмүүст туслах шаардлагатай. Хөдөлмөр эрхлэлт, амьдрал дахь практик бэрхшээлийг шийдвэрлэх, эдийн засаг, нийгмийн хөгжлийг дэмжих хүчин чармайлтыг нэмэгдүүлэх хэрэгтэй байгааг тэмдэглэв.
