Монгол Улсад ӨМӨЗО-оос үзүүлж буй тусламжийн хоёр дахь ээлжийн эд материалыг хүлээлгэн өгөх ёслол 04-р сарын 10-ны өдөр Хөххотноо болов.

ӨМӨЗО-ы тэргүүлэгч, ӨМӨЗО-ы Улаан Загалмайн Нийгэмлэгийн дарга Бү Шяолинь хандивын ёслолд оролцож, түргэн тусламжийн авто машин болон холбогдох эмчилгээний тоног төхөөрөмжийг Монгол Улсаас Хөххотод суугаа Ерөнхий консулын газраар дамжуулан Монгол Улсад хандивлав. Монгол Улсаас Хөххотод суугаа Ерөнхий Консул С.Батхуяг хандивын эд зүйлийг хүлээн авлаа.

Энэхүү удаагийн тусламжийн эд материалд түргэн тусламжийн авто машин нэг ширхэг, бусад төрлийн яаралтай тусламжийн эмчилгээний тоног төхөөрөмжүүдээс гадна эмчилгээнд хэрэглэх N95 амны хаалт 5000 ширхэг, 300 мянган юанийн өртөг бүхий амьжиргааны эд хэрэгсэл, нуклейн хүчил шалгах хэрэгсэл 200, нуклейн хүчил шалгах аппарат нэг ширхэг зэрэг багтжээ.

Өвөр Монголоос Монгол Улсад үзүүлж буй тусламжийн хоёр ээлжийн эд материал нийт 2.267035 сая юаньд хүрсэн байна.

Мөн үеэр Өвөр Монголын И-Тай групп 1.5 сая юань хандивлав. Хандивын 1.5 сая юанийг ӨМӨЗО-оос Монгол Улсад хэрэгжүүлж буй “Бүс ба зам-Гэрэлт аялал” төсөлд зарцуулах юм.