Хятад улсын дарга Ши Жиньпин 04-р сарын 10-ны орой Мексикийн ерөнхийлөгч Лопестэй утсаар ярилаа.

Ши Жиньпин хэлэхдээ: - Өдгөө Мексик зэрэг Латин Америк болон Карибын тэнгисийн орнуудад халдварт өвчин тасралтгүй дэгдэж байна. Би Хятадын засгийн газар ард түмний өмнөөс Мексикийн засгийн газар ард түмэнд чин сэтгэлийн анхаарал, туйлбартай дэмжлэгээ илэрхийлж байна. Ерөнхийлөгч таны удирдлага дор Мексик "COVID-19"-ийг хурдан ялан давна гэдэгт итгэж байна. Хятад улс Мексикийн талд үргэлжлэн чадах ядахаараа туслан, Мексикийн тал Хятадаас хамгаалалтын яаралтай шаардлага бүхий эд бараа худалдан авахад туслах болно. Хоёр тал бас мэргэжилтний онлайн хурал зэрэг хэлбэрээр харилцан өвчнөөс сэргийлэх ба эмчлэх туршлагаа солилцож болох юм гэжээ.

Лопес хэлэхдээ: - Мексикийн тал өдгөө шинэ коронавирустэй тэмцэх хамгийн хүнд бэрх үедээ байна. Хятадын тал Мексикийн талд эрхэм нандин дэмжлэг туслалцаа үзүүлсэн юм. Энэ нь бидэнд маш чухал байсан. Мексик Хятад улстай ах дүүгийн дотнын харилцаатай байсаар ирсэн юм. Мексикийн тал Хятадтай харилцаагаа идэвхтэй хөгжүүлж, Хятадын талтай халдварт өвчинтэй тэмцэх болон олон нийтийн эрүүл мэндийн зэрэг салбарт хамтран ажиллахад бэлэн байна гэжээ.