“COVID-19” дэлхийн хэмжээнд дэгдэж, иргэдийн амь нас, эрүүл мэндэд асар их аюул учруулж байгаа өнөөдөр Хятад улс “Хүн төрөлхтний хувь заяаны цогц нэгдэл”-ийн үзэл баримтлалыг баримтлан, улсын дотоод дахь халдварт өвчнөөс урьдчилан сэргийлэх, хянах ажлыг сайн хийхийн зэрэгцээ олон улсын хамтын нийгэмлэгт дэмжлэг, туслалцаа үзүүлсээр байна.

Ши Жиньпин дарга 14-ний өдөр тус гурван улсын ерөнхийлөгчтэй холбогдох үеэр тухайн орны “COVID-19”-ийн эсрэг тэмцэлд дэмжлэг үзүүлэхээ илэрхийлсэн байна.

Киргизстан улсын Ерөнхийлөгч Жеенбеков хариу илэрхийлэхдээ:

- Хятад улс “COVID-19”-ийн эсрэг тэмцэх талд томоохон амжилт гарган, улмаар дэлхийн хэмжээн дэх “COVID-19”-ийн эсрэг тэмцэлд асар их дэмжлэг үзүүлж, тэргүүлэх үүрэг гүйцэтгэж байгаад чин сэтгэлийн хүндэтгэл илэрхийлж байна. Энэхүү удаагийн халдварт өвчний тархалт нь таны дурдсан “Хүн төрөлхтний хувь заяаны цогц нэгдэл”-ийн талаарх үзэл баримтлалын яаралтай, бодитой, цаг үед нийцсэн шинж чанарыг дахин тодрууллаа. Хятад улсад байгаа Киргизийн иргэдэд анхаарал халамж тавьж, мөн Киргиз улсын халдварт өвчинтэй тэмцэх талд дэмжлэг үзүүлсэнд баярлалаа. Киргиз улс өнө үүрд Хятадын ард түмний хамгийн найдвартай сайн найз, сайн хамтрагч байх болно гэжээ.