04-р сарын 13-ны өдөр болтол Сүйфэньхэ боомтоор 2497 хүн орж ирэн, 322 хүн оношлогдсон бөгөөд шинж тэмдэггүй тээгчдийн тоо 38 болж, одоогоор Хятад улсын хамгийн их шинэ коронавирусний халдвар авсан иргэд орж ирж байгаа боомт боллоо. Хамгаалалтын эхний өртөөг Улсын хаалга дээр байлгах нь гадаадаас орж ирэх тахлаас урьдчилан сэргийлэх, хяналт хийхэд ашигтай.

Одоогоор Сүйфэньхэ боомтын Аялал жуулчлалын хяналтын хэсэг түр хаалттай хэвээр байгаа бөгөөд ачааны хяналтын хэсэг хэвийн байна. Сүйфэньхэ боомт нь Хармөрөн мужийн ОХУ-тай холбогдож байгаа худалдааны чухал боомт бөгөөд их хэмжээний бараа нь хоёр улсын хилээр дамждаг. Мэдээнээс харахад он гарснаас хойш 04-р сарын 11-ний өдөр хүртэл Сүйфэньхэ Гаалийн газрын хурдны боомтоор орж гарсан ачаа тээврийн хэрэгсэл 11000 хүрч, импорт, экспортын хэмжээ 119 мянган тонн, барааны өртөг нь 140 сая ам. доллар хүрсэн байна.

Сүйфэньхэ Гаалийн Иж Бүрэн Технологийн Төвийн захирал Ван Янлу хэлэхдээ: - Боомтын хяналт шалгалтын оргил үед зорчигчид өдөрт 400 гаруй байсан нь маш их стресс дагуулснаар одоо боомтын аялал жуулчлалын хяналт түр хугацаагаар хаагдаж, бид ажилтнуудаа ээлжээр ажиллуулж, тоног төхөөрөмжийг бүрэн засан сэлбэж, тахлаас урьдчилан сэргийлэх, хянах чадварыг маш ихээр сайжруулж байна гэв.