Орон нутгийн цагаар 04-р сарын 17-ны өдрийн үдээс хойш Хятадын Засгийн газраас томилсон эмчилгээний баг тусгай онгоцоор Узбекистаны Ташкент олон улсын нисэх онгоцны буудалд газардсан байна. БНХАУ-ын Узбекистанд суугаа элчин сайд Жяан Янь, Узбекистаны Гадаад хэргийн яамны дэд сайд Ахатов, Эрүүл мэндийн яамны дэд сайд Низомов нар онгоцны буудалд хүрч эмчилгээний багийн гишүүдийг угтсан байжээ.

-“COVID-19” дэгдсэнээс хойш Хятад, Узбекистан хоёр орон бие биедээ тусламж хангасаар ирсэн байлаа. Узбекистанд халдварт өвчин дэгдсэний дараа хоёр орны эмч болон мэргэжилтнүүд өвчний эсрэг туршлага солилцохыг видео холболтоор зохион байгуулсан байна. Хятадын засгийн газар, холбогдох яам, шинжлэх ухааны судалгааны хүрээлэн, найрсаг муж, хот, компани, хувь хүн Узбекистанд эм бэлдмэл зэрэг эмнэлгийн хэрэгслийн тусламж үзүүлэв. Хятад, Узбекистан бол сайн хөрш,сайн найз нөхөд,сайн түнш юм. Узбекистанд байх хугацаанд бидний эмчилгээний баг “COVID-19” гэх нийгмийн эрүүл мэндийн томоохон арга хэмжээнд хариу арга хэмжээ авахад Узбекистаны талтай хамтран ажиллаж,"Эрүүл мэнд торгоны зам”-ын шинэ түүхийг бичих болно гэж Жяан Янь хэлсэн байна.

Уг эмчилгээний баг 15 хүний бүрэлдэхүүнтэй ажлын хэсэг болох бөгөөд эрүүл мэндийн менежмент, оношилгоо, эмчилгээ, урьдчилан сэргийлэх, хянах гэх мэт олон чиглэлийн эмч мэргэжилтнүүдийг хамарсан ажээ.

04-р сарын 18-ны өдрийн байдлаар Узбекистанд “COVID-19”-ээр халдвар авсан тохиолдол 1450 хүрч, 171 хүн эмчилгээнээс гарч, нас барсан өвчтөний тоо 4 хүн болсон байна гэж Узбекистаны Эрүүл мэндийн яам мэдээлсэн байна.