Хятад улсын засгийн газар энэ сарын 21-ний өдөр Жакарта дахь АСЕАН-ны Нарийн бичгийн дарга нарын газарт тахлын эсрэг хэрэгсэл хандивлав.

АСЕАН-ны Нарийн бичгийн дарга Линь Юйхүй хандивын ёслолд Хятад улсад талархал илэрхийлж, Хятад улс АСЕАН-тай “COVID-19”-ын эсрэг тэмцлийн ажлын  талаар хамтран ажиллаж байгааг өндөр үнэлэв.

Линь Юйхүй хэлэхдээ:- “COVID-19” –ын тархалт эхэлснээс хойш, АСЕАН, Хятад улс нь тахлын эсрэг хамтын ажиллагааг улс орон болон бүс нутгийн янз бүрийн түвшинд идэвхтэй явуулж байна. Ил тод бөгөөд цаг тухайд нь техник мэргэжил, мэдээллийн солилцоо хийж, тахал өвчний олон нийтийн эрүүл мэнд, худалдаа, аялал жуучлалд үзүүлэх нөлөөг бууруулсан байна. Тахал өвчнөөс болсон бэрхшээлийг даван туулахад Хятад улсын тусламжийн хэрэгслүүд  АСЕАН-ны Нарийн бичгийн дарга нарийн газрын 300 гаруй ажилтанд ашигтай байх нь дамжиггүй гэжээ.       

 Хятад улсаас АСЕАН-д суугаа элчин сайд Дэн Шижюнь хэлэхдээ:- энэхүү хүнд хэцүү цаг үед Хятад улс АСЕАН-тай үргэлж тууштай хамтдаа байх болно. АСЕАН-ын Нарийн бичгийн дарга нарын газар тахлын эсрэг шаардлагатай материал дутагдаж байгааг мэдсэний дараа, Хятад улсын засгийн газар Олон улсын хөгжлийн хамтын ажиллагааны агентлагаар дамжуулан АСЕАН-ны Нарийн бичгийн дарга нарын газарт тахлын эсрэг материал, амны хаалт, биеийн температур хянах хэрэгсэл зэргийг хандивласан байна . Эдгээр материалууд нь АСЕАН-ны Нарийн бичгийн дарга нарын газрын ажилтан бүрийн эрүүл мэндийг хамгаалахад тусална гэж хүсэн найдаж байна гэжээ.