"Chinadaily" буюу "Хятадын өдрийн сонин"-ы ажиллуулж буй "Коронавирустэй тэмцэх Хятадын төсөл" сайт энэ сарын 21-нд     "Ковид-19-тэй тэмцсэн Хятадын практик" гарчигтай хятад англи хэлний тайланг нийтлэв. Тайланд өнгөрсөн хугацаанд Хятад улс "Ковид-19”-тэй тэмцсэн арга хэмжээ арга барилын талаар дүгнэлт хийж, "Ковид-19”-ийн эсрэг олон улсын хамтын нийгэмлэгтэй хамтран тэмцэж, дэлхийн эрүүл мэндийн аюулгүй байдлыг баталгаажуулахыг хүсэж буйгаа илэрхийлжээ.

"Хятадын өдрийн сонин"-ы зөвлөхүүдийн байгууллага нийгмийн эрүүл мэндийн мэргэжилтэн түүнчлэн гадаад дотоодын эрдэмтэн судлаачдын 60 гаруй хүний саналыг сонссон үндсэнд Чинхуа их сургуулийн улсын байдлын судалгааны хүрээлэн, Бээжингийн Шейхэ анагаахын дээд сургуулийн эрүүл мэндийн бодлогын хүрээлэнтэй хамт уг тайланг гаргасан юм.

Тайлан нийгмийн нийтлэг ойлголт ба олон нийтийг дайчлах, тусгаарлалт болон зам харилцааны хяналт, оношилгоо хөдөлгөөнт хяналт, эмчилгээний төсөл ба авран туслах хүчин чадавхи, эд материалын хуваарилалт ба баталгаа, командлах систем ба стратегийн чиг шугам зэрэг 6 хэсгээс бүрдэж, Хятад улс Ковид-19-тэй тэмцсэн бодит практикийг дүгнэж, туршлага арга хэмжээг танилцуулан, олон улсын шинжлэх ухаан түүнчлэн Ковид-19-ийн эсрэг олон улсын хамтын нийгэмлэгийн тэмцэлд лавлагаа болохыг зорьсон юм.