Хятад улсаас Мьянмарт тусалсан тахлын эсрэг эмчилгээний баг Мьянмарт хоёр долоо хоногийн хугацаатай ажил хийж энэ сарын 22-нд, Хятад руугаа буцав.  Мьянмар улсын Эрүүл мэнд, спортын яамны Анагаах ухааны судалгааны газрын дарга Жордан Тунва болон Мьянмар дахь Хятад улсын элчин сайд Чэнь Хай нар Янгоны онгоцны буудалд хүрч үдэж мордуулав.

     Эмчилгээний багийн дарга Ян Лижюань Синьхуа агентлагч өгсөн ярилцлагадаа：- эмчилгээний баг нь өндөр дулаан цаг агаарын нөхцөлд   тэсвэр хатуужилтай ажиллаж, Янгон, Мандалай дахь 40 эмнэлгийн байгууллага, холбогдох хэлтэст очиж, Хятад улсын тахлын эсрэг тэмцсэн туршлагыг хуваалцав. Мөн 25 удаагийн сургалт зохион байгуулж, нийт 400 гаруй хүнийг сургалтад хамруулсан байна гэжээ.

Мьянмар дахь Хятад улсын элчин сайд Чэнь Хай хэлэхдээ：- Хятадын эмчилгээний баг мянган газрын холоос хүрэлцэн ирж дэмжлэг туслалцаа үзүүлсэн нь Хятад-Мьянмарын найрамдалт харилцаа ба хувь заяаны хамтын цогцын үзэл баримтлалыг харуулж байна. Эмчилгээний багийн гаргасан тахлын эсрэг санал зөвлөгөө ба Хятад уламжлалт анагаах ухааны оношилгоо, эмчилгээний арга туршлагыг Мьянмар улсынхан хүлээн авч, улсынхаа хэмжээнд сурталчлав. Мөн эмчилгээний багийнхны хийсэн ажлуудыг Мьянмарын засгийн газар болон нийгмийн бүхий л салбарынхан сайшаав гэжээ.