“Нэг бүс-Нэг зам” нь “Торгоны замын эдийн засгийн бүс” болон “21 дүгээр зууны далайн торгоны зам”-ын хураангуйлсан нэр юм. 2013 оны 9 болон 10 дугаар сард БНХАУ-ын дарга Ши Жиньпин Төв Ази болон Зүүн өмнөд Азид айлчлах явцдаа тухайн улс орнуудтай хамтран “Торгоны замын эдийн засгийн бүс”, “21 дүгээр зууны далайн торгоны зам” -ыг бүтээн босгох санаачилгыг тус тус дэвшүүлжээ. Уг санаачилга нь“Төрийн бодлогоороо зөвшилцөн холбогдох, Дэд бүтцийн байгуулалтаараа холбогдох, Гадаад худалдаагаа хөнгөрүүлэн холбогдох, Хөрөнгө мөнгөний эргэлтээр холбогдох, Ард түмнүүдийнхээ нөхөрлөлөөр холбогдох”-ыг гол агуулгаа болгон хэрэгжүүлж, “хамтаар хэлэлцэж, хамтаар бүтээн босгож, хамтаар үр ашгийг нь хүртэх”-ийг үндсэн зарчим болгож “Эрх ашгийн цогц нэгдэл, Хариуцлагын цогц нэгдэл, Хувь заяаны цогц нэгдэл”-ийг буй болгож замын дагуух улс орны хөгжил цэцэглэлт, ард түмний амьдралыг бодитойгоор чинээлэг болгох зорилготой юм.
Цаашид “Нэг бүс-Нэг зам” нь бүтээн босголтын энх тайвны зам, хөгжлийн зам, нээлттэй хөгжлийн зам, шинийг бүтээх инновацийн зам, соёлын зам болно. “Нэг бүс- Нэг зам” санаачилга нь оролцогч бүх талуудын хамтын эрх ашигт нийцэж, бүс нутгийн болон дэлхий ертөнцийн хамтын ажиллагааны урсгалыг түргэтгэж, замын дагуух улс орнуудын идэвхтэй дэмжлэгийг аваад байна.
2016 оны эцсийн байдлаар дэлхийн 100 гаруй улс орон, олон улсын байгууллагууд “Нэг бүс-Нэг зам”-ын бүтээн байгуулалтад оролцож дэмжихээ илэрхийлэн НҮБ- ын Ерөнхий ассамблейн чуулган, Аюулгүйн зөвлөл зэрэг томоохон шийдвэрүүдэд “Нэг бүс-Нэг зам”-ын бүтээн байгуулалтын агуулга орсон байна.
“Нэг бүс-Нэг зам”-ын бүтээн байгуулалт нь үзэл санаанаас үйл явц, хүсэл зорилгоос бодит байдал болон хөгжиж, бүтээн байгуулалтын арвин их үр дүнг буй болгоод байна.
