ХКН-ын 19-р их хурлын илтгэлд Хятадын онцлогтой социализм шинэ эрин үе рүү шилжиж, нийгмий гол зөрчил нь хүмүүсийн өдөр ирэх тусам сайн сайхан амьдрах гэсэн хүсэл эрмэлзэл болон хангалтгүй, тэнцвэргүй хөгжлийн хоорондын зөрчилдөөн болж хувирсныг онцолон тэмдэглэсэн байна.

  Хятад улс нэг тэрбум гаруй хүний идэх хоол, өмсөх хувцасны асуудлыг бүрэн шийдвэрлэж, ерөнхийдөө сайн сайхан нийгмийн суурийг тавьсан. Тун удахгүй чинээдэг нийгмийг бүх талаар нь бий болгоно. Ард түмний сайн сайхан амьдралын хэрэгцээ шаардлага өдөр өдрөөр өргөжин тэлж, материаллаг, соёлын, амьдралын хэрэгцээ шаардлага өндөрсөөд зогсохгүй ардчилал, хууль ёс, шударга ёс, эрх тэгш байдал, аюулгүй байдал, хүрээлэн бий орчид тавигдах хэрэгцээ шаардлага мөн өдөр ирэх тусам нэмэгдсээр байна. Үүний зэрэгцээ Хятадын улсын нийгмийн бүтээмжийн түвшин ерөнхийдөө мэдэгдэхгүйц өсөж, нийгмийн бүтээмжийн чадавх олон талаараа дэлхийд тэргүүлэх байрь суурь эзэлж байна. Хамгийн гол асуудал нь хөгжлийн тэнцвэргүй, нөөцийн хүрэлцээгүй байдал нь хүмүүсийн амьдралаа улам сайн сайхан болгох гэсэн өсөн нэмэгдэж буй хэрэгцээг хангахад гол бэрхшээл болоод байна.