Тулж ирсэн зовлонг туулж гарах итгэл зориг өвөрлөн Хятадын 1.4 тэрбум ард түмэн сэтгэл зүрхээ нэгтгэж, халдварт өвчний эсрэг хамтын “тулаан”-д мордсон билээ. Хатуу жавар зөөлөрч, хаврын урин саатсан өнөөдөр халдварт өвчний эсрэг тэмцэл ахиц сайтай амжилтын үр дүнгээ бүтээж, эдийн засаг, нийгэм сэргэж эхэлсэн. Хямдхан олдоогүй энэ амжилт бүтээл ард түмний хүч чадлыг ийнхүү тодрууллаа.

Халдварт тахлыг ялан давсан жинхэнэ баатрууд бол ард түмэн. Хотын өргөн зайд, хөдөөгийн цэвэр агаарт, 8 настай нялхсаас 80 настай буурал хүртэл хөгшин залуу, эрэгтэй эмэгтэй ялгалгүй иргэд сэтгэл сэтгэлээ ойлголцон, сайн цагаа эргүүлэн авчрахын тулд эв нэгтэй эрэмгийлэн “дайтсан” юм.

Алх хадууртай улаан тугийн дор тангараг өргөсөн намын гишүүд ажилдаа хошууран оров. Ард түмний эрүүл энхийн манаанд цагаан нөмрөгтэй баатрууд эрэлхийлэн давшлаа. Ардын Чөлөөлөх Арми, цагдаа, албан тушаалтан, хорооллын ажилтан, сайн дурынхан гээд халдварт өвчний эсрэг тэмцэлд шаардагдах хүн бүр хүч чадал, оюун ухаанаараа хувь нэмрээ оруулав. Зүтгэсэн хүмүүсийнхээ хөдөлмөрийг дэмжиж, зүгээр суусан иргэд “хөлөө хорилоо”. Зүг зүгээс цугларсан халуун сэтгэлийн хандив, зовлон зүдгүүрийг хамтдаа туулах итгэлийн галыг бадраалаа. Энэ бол эв нэгдлийн тууль, энэ бол эрэлхэг ард түмний гайхалтай түүх.

Хүнд хэцүү цаг үед ХКН ард иргэдийн амь нас, эрүүл мэндийг тэргүүнд тавьж, халдварт өвчний эсрэг тэмцлийг хамгийн чухал ажил болгон иргэдэд ээлтэй төрийн бодлого, сэтгэлд дулаахан арга хэлбэрээр ард түмнээ анар жимс мэт нэгтгэж чадсан юм.

Ард түмний төлөө хийсэн “дайн” ард түмний хүчинд амжилт байгууллаа. Хятадын сая сая иргэдийн хүчин чармайлт, тэмцэл зүтгэл “боломжгүй” зүйлсийг бий болгож, бүтээж чадлаа. Сэтгэл нэгтэй иргэдийн хүчинд цар тахлын эцсийн ялалтыг тэмцэн олж, чинээлэг нийгмийг бүрэн хэмжээнд бүтээн байгуулж, ядуурлаас ангижруулах ажлын гялалзсан амжилтыг байгуулна гэдэгт бид бүхэн итгэлтэй, зоригтой, найдвартай байна.