Юаньнань мужийн Пү-Эр хотын Тай Ян Хэ /Наран Гол/ шугуйт цэцэрлэгийн ажилтан Хуан Шяньжюйгийн хувьд саяхан өнгөрсөн хөдөлмөрчдийн баярын амралт үнэхээр ажил ихтэй, завгүй байлаа. Тэрээр цэцэрлэгт хүрээлэнг зорьж ирсэн жуулчдад хөтөч хийн амьтадтай танилцаж, ой шугуйгаар хэсүүчлэн, шөнийн үзэмжийг сонирхох гэх мэтээр шинээр хэрэгжүүлсэн хөтөлбөрүүдийн дагуу хэдэн хоногийг маш завгүй өнгөрүүлсэн байна.

- Хирс үхэртэй ойрын зайнаас танилцах, шөнийн цагаар шавж хорхой сонирхох зэрэг шинэ хөтөлбөрүүд эрэлт ихтэй байна. Би өдөр бүр дунджаар 30 гаруй хүн хүлээн авч үйлчилдэг гэж тэрээр ярилаа. Хуан Шяньжюй мэт хөтөч энд 10 гаруй байгаа ба тэд бүгд адилхан завгүй ажиллаж байлаа.

- Бид “бэрхшээл”-ийг “боломж” болгон ашиглахаар туршин ажиллаж байна. Жуулчдын хэрэглээний шинэ эрэлт хэрэгцээг хангахын тулд манай компани “Байгалийн эрч хүчээр эрүүл мэндээ дэмжих” сэдэв бүхий хэд хэдэн шинэ төслүүдийг эхлүүлсэн бол үүний хүрээнд хөтчийн удирдамжтайгаар шугуйд аялах төслийг жуулчид их таашааж байна гэж “Наран Гол” цэцэрлэгт хүрээлэнгийн орлогч захирал Ван Миншя ярилаа.

“COVID-19”-ийн улмаас Да Ли, Ли Жян зэрэг Хятадын аялал жуулчлалын том орнууд нэгэн хэсэгтээ уналтын байдалд орж байсан юм. Хятад улсын хэмжээн дэх халдварын байдал эрс бууран, халдварыг тодорхой хэмжээгээр таслан зогсоохыг дагалдан аялал жуулчлалын салбар ч аажмаар үйл ажиллагаагаа сэргээж эхэлсэн байна. Ялангуяа хөдөлмөрчдийн баярын амралтаар цөөн бус аялал жуулчлалын бүсүүд урьд өмнө байгаагүй хөл хөдөлгөөн ихтэй байв.

Аялал жуулчлалаараа алдартай Юньнань муж нь халдварт өвчнөөс урьдчилан сэргийлэх, хянах ажлыг сайн хийсэн суурин дээр “Ухаалаг аялал жуулчлал”-ын арга бодлогыг ашиглан соёлын аялал жуулчлалын үйл ажиллагаагаа тогтвортой хөгжүүлж байна. Холбогдох судалгааны дүнгээс харахад хөдөлмөрчдийн баярын амралтын хугацаанд Юньнань муж давхардсан тоогоор нийт 10 сая шахам жуулчин хүлээн авч, ойролцоогоор 7.9 тэрбум юанийн орлого бүтээсэн байна.