Хятад улс дипломат харилцаа тогтоосон Номхон далайн арлын орнуудтай "COVID-19"-д хариу арга хэмжээ авах тухай энэ сарын 13-нд Гадаад хэргийн сайдын орлогч түвшинд тусгай хурал хийв.
Хятад, Фижи, Самоа, Папуа Шинэ Гвиней, Вануату, Микронезийн Холбооны улсууд, Кук арлууд, Тонга, Ниуэ, Соломоны арлууд, Кирибати зэрэг 10 орны төлөөлөгчид оролцов.
Хурлыг Хятад улсын Гадаад хэргийн орлогч сайд Жэн Зэгуан, Папуа Шинэ Гвиней улсын Гадаад хэргийн сайд Пруеч нар даргалав.
Жэн Зэгуан хэлэхдээ:- Дарга Ши Жиньпиний шууд удирдлага байршуулалт дор Хятад улсын "COVID-19"-ийн дэгдэлтээс урьдчилан сэргийлэх хянах ажил нь чухал стратегийн үр дүнд хүрчээ. Хятад, Номхон далайн арлын орнууд тахал өвчинтэй тэмцэхэд бие биедээ тусалж байна. Хятад улс арлын орнуудад тархаж буй халдварт өвчнөөс урьдчилан сэргийлэх, хянах ажлыг үргэлжлүүлэн дэмжиж, мөн цаашид янз бүрийн салбарт солилцоо, хамтын ажиллагааг идэвхтэй өргөжүүлэн хөгжүүлэхэд бэлэн байна.
Арлын улс орнуудын төлөөлөгчид халдварт өвчинтэй тэмцэхэд туслалцаа үзүүлсэнд Хятад улсад талархал илэрхийлээд, Хятадтай тахлын эсрэг тэмцэх чиглэлээр хамтын ажиллагаагаа үргэлжлүүлэхийг хүсэж байна. Тахлын эсрэг олон улсын хамтын ажиллагааны талаар ДЭМБ-ын удирдлагыг дэмжиж, вирусийг улс төржилт, гутаан доромжилсон үйл болгохыг эрс эсэргүүцэж буйгаа илэрхийлэв. Нэг Хятад улсын зарчмыг баримталж, хоёр тал хоорондын харилцан хүндэтгэл, хамтын хөгжлийн иж бүрэн стратегийн түншлэлийг шинэ шатанд гаргахыг хүсэж байна гэжээ.
